நள்ளிரவில் தர்பூசணி சாப்பிட்ட ஒரே குடும்பத்தைச் சேர்ந்த 4 பேர் பலி… நடந்தது என்ன..? மும்பையை உலுக்கிய பயங்கரம்..!!

மும்பை பைதோனி பகுதியைச் சேர்ந்த அப்துல்லா டோகாடியா (40), அவரது மனைவி நஸ்ரீன் (35) மற்றும் மகள்கள் ஆயிஷா (16), ஜைனப் (13) ஆகிய நான்கு பேரும் நள்ளிரவில் தர்பூசணி பழம் சாப்பிட்டுள்ளனர். தர்பூசணி சாப்பிட்ட சில மணி நேரங்களிலேயே, அதிகாலை வேளையில் அவர்கள் அனைவருக்கும் அடுத்தடுத்து கடுமையான வாந்தி மற்றும் மயக்கம் ஏற்பட்டுள்ளது. ஒரே குடும்பத்தைச் சேர்ந்த நான்கு பேரும் உடல்நலம் குன்றி உயிருக்கு போராடிய நிலை அந்தப் பகுதியில் பெரும் பரபரப்பை ஏற்படுத்தியது.

உடனடியாக அவர்கள் அருகில் உள்ள மருத்துவமனைக்கு கொண்டு செல்லப்பட்டு தீவிர சிகிச்சை பிரிவில் அனுமதிக்கப்பட்டனர். இருப்பினும், மருத்துவர்களின் தீவிர முயற்சி பலனின்றி நான்கு பேரும் அடுத்தடுத்து சிகிச்சை பலனின்றி உயிரிழந்தனர். இரவு நேரத்தில் தர்பூசணி சாப்பிட்டதுதான் மரணத்திற்கு காரணமா அல்லது அந்தப் பழத்தில் விஷத்தன்மை ஏதேனும் கலந்திருந்ததா என்ற கோணத்தில் போலீசார் தீவிர விசாரணை நடத்தி வருகின்றனர். ஒரே குடும்பத்தைச் சேர்ந்த நான்கு பேர் உணவு உட்கொண்ட சில மணி நேரங்களில் உயிரிழந்த சம்பவம் மும்பையில் பெரும் அதிர்ச்சியை ஏற்படுத்தியுள்ளது.