“யாருடா நீங்க…?” மாடியில் சத்தம் கேட்டுச் சென்ற ஆசிரியர் குடும்பத்தில் 4 பேர் கொடூரக் கொலை…! வீட்டில் நிதானமாக சாப்பிட்டு… நெஞ்சை உலுக்கும் பகீர் பின்னணி…!!

வங்கதேச நாட்டின் ரங்க்பூர் பகுதியில் ஓய்வுபெற்ற ஆசிரியரான கணபதி சக்ரவர்த்தி, தனது குடும்பத்துடன் வசித்து வந்தார். கடந்த 21-ஆம் தேதி நள்ளிரவு வீட்டின் மாடியில் சத்தம் கேட்டு டார்ச் லைட்டுடன் சென்று பார்த்தபோது, அங்கு இருவர் ‘யாபா’ என்ற வீரியமிக்க போதைப்பொருளைப் பயன்படுத்திக் கொண்டிருந்ததைக் கண்டுள்ளார்.

அவர்களைத் தட்டிக்கேட்ட ஆசிரியர் கணபதி சக்ரவர்த்தியை அக்கும்பல் கொடூரமாகக் கழுத்தை நெரித்துக் கொன்றது. சத்தம் கேட்டு ஓடிவந்த அவரது மனைவி பிரிதிலதா, 23 வயது மகள் அகமி மற்றும் 12 வயது மகன் பிரியமுத் ஆகிய நால்வரையும் துரத்தித் துரத்தி வெட்டிக் கொடூரமாகப் படுகொலை செய்துள்ளனர். பின்னர் 4 பேரின் முகங்களிலும் ரசாயனத்தை ஊற்றி சிதைத்த அக்கும்பல், வீட்டில் இருந்த உணவை நிதானமாகச் சாப்பிட்டுவிட்டு, கொள்ளை நாடகமாடுவதற்காக நகை மற்றும் பொருட்களைச் சுருட்டிக்கொண்டு தப்பியோடியது.

இச்சம்பவம் குறித்து வழக்குப் பதிவு செய்த ரங்க்பூர் பெருநகரக் காவல்துறையினர் தீவிர விசாரணை நடத்தி சித்தார்த்த தாஸ் மற்றும் முக்தா தாஸ் ஆகிய இருவரைக் கைது செய்துள்ளனர். வங்கதேசத்தில் சிறுபான்மையினரான இந்து குடும்பத்திற்கு நேர்ந்த இக்கொடூரம் பெரும் பரபரப்பையும் சோகத்தையும் ஏற்படுத்தியுள்ளது.