தமிழகத்தில் 2026 ஆம் ஆண்டு சட்டமன்ற தேர்தல் நெருங்கிக் கொண்டிருக்கும் நிலையில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. ஒரு பக்கம் முதல்வர் ஸ்டாலின் தன்னுடைய கூட்டணியை பலமாக வைத்துக்கொண்டு மீண்டும் ஆட்சியைப் பிடித்து விடலாம் என்ற நிலைப்பாடோடு வேலை செய்து கொண்டிருக்கின்றார். மறுபக்கம் தமிழகத்தில் கூட்டணி ஆட்சியை அமைக்க வேண்டும் என்று பாஜக அதிமுகவுடன் கூட்டணி வைத்துக்கொண்டு காய் நகர்த்தி வருகிறது. அதே சமயம் தேர்தல் நெருங்க நெருங்க கட்சியினர் பலரும் மாற்றுக் கட்சிகளில் இணைந்து வருகிறார்கள்.
இந்நிலையில் திமுக முன்னாள் பிரபலம் கே.எஸ் ராதாகிருஷ்ணன் பாஜகவில் இணைந்துள்ளார். நெல்லையில் நடைபெற்று வரும் பாஜக மாநாட்டில் அமித்ஷா முன்னிலையில் அவர் தன்னை கட்சியில் இணைத்துக் கொண்டார். கட்சித் தொண்டைப் போர்த்தி அவரை பாஜக நிர்வாகிகள் வரவேற்றனர். நெல்லையை சேர்ந்த கேஎஸ் ராதாகிருஷ்ணன், முன்னாள் முதல்வர்கள் காமராஜ், கருணாநிதி ஆகியோருடன் நல்ல நட்பில் இருந்தவர். 2022 ஆம் ஆண்டு கார்கேவை விமர்சித்ததற்காக திமுகவிலிருந்து அவர் நீக்கப்பட்டது குறிப்பிடத்தக்கது.