“இதுதான் எங்க உணவு” வெளிநாட்டுல எங்க நிலைமை இப்படித்தான்… குடும்பத்திற்காகத் தியாகம் செய்யும் வெளிநாட்டுத் தொழிலாளி… இணையத்தைக் கண்கலங்க வைத்த பதிவு…!

சமீபத்தில் சவுதி அரேபியாவின் ரியாத்தில் பணிபுரியும் ஒரு தொழிலாளியின் வீடியோ இணையத்தில் பலரையும் கண்கலங்க வைத்துள்ளது. அந்த வீடியோவில், அவர் ஒரு கையில் வெறும் ரொட்டியையும், மறு கையில் பச்சை வெங்காயம், தக்காளி மற்றும் பச்சை மிளகாயையும் வைத்துக்கொண்டு அமர்ந்திருக்கிறார். ஆடம்பரமான உணவோ, காய்கறி கூட்டும் இல்லையென்றாலும், அந்த எளிய உணவை அவர் எந்தப் புகாரும் இன்றி மனநிறைவோடு உண்பதைக் காண முடிகிறது. ஆரம்பத்தில் தனது ஏழ்மையான உணவைக் காட்டத் தயங்கிய அவர், பிறகு முகத்தில் ஒரு மெல்லிய புன்னகையுடன் அதனை வெளிப்படுத்துவது பலரின் இதயங்களைத் தொட்டுள்ளது.