உத்தரப் பிரதேச மாநிலம் நொய்டாவில் உள்ள ஒரு குடியிருப்பு வளாகத்தின் நீச்சல் குளம் அருகே, வெளிநாட்டுப் பெண்கள் சிலர் கஞ்சா புகைத்ததாகக் கூறப்படும் வீடியோ சமூக ஊடகங்களில் வெளியாகி பெரும் விவாதத்தையும் பரபரப்பையும் ஏற்படுத்தியுள்ளது. பொதுவெளியில், அதுவும் குடும்பங்கள் மற்றும் குழந்தைகள் நடமாடும் ஒரு குடியிருப்புப் பகுதியில் இவ்வாறு போதைப்பொருள் பயன்படுத்துவது எப்படி அனுமதிக்கப்படுகிறது என்று நெட்டிசன்கள் பலரும் கேள்வி எழுப்பி வருகின்றனர்.
இணையத்தில் வைரலாகி வரும் அந்த வீடியோவில், நீச்சல் குளத்திற்கு அருகில் அமர்ந்திருக்கும் அந்தப் பெண்கள் பொது விதிகளைப் மதிக்காமல் தடையின்றி புகைப்பிடிப்பது போன்ற காட்சிகள் பதிவாகியுள்ளன. இதைப் பார்த்த சமூக ஊடகப் பயனர்கள், இது போன்ற செயல்கள் குடியிருப்பு வளாகத்தின் பாதுகாப்பையும் அமைதியையும் சீர்குலைப்பதாகக் கூறி, அந்தச் சமூகத்தின் நிர்வாகக் குழு மற்றும் உள்ளூர் காவல்துறை மீது தங்களின் கண்டனங்களைப் பதிவு செய்து வருகின்றனர்.
இந்தச் சம்பவம் பொது இடங்களில் போதைப்பொருள் பயன்பாடு மற்றும் சட்ட ஒழுங்கு குறித்த விவாதத்தை மீண்டும் தீவிரப்படுத்தியுள்ளது. வெளிநாட்டினர் என்றாலும் நாட்டின் சட்டங்களுக்கு உட்பட்டு நடக்க வேண்டும் என்றும், பொதுமக்களுக்கு அச்சுறுத்தலாகவும் தவறான முன்மாதிரியாகவும் இருக்கும் இத்தகைய செயல்களில் ஈடுபடுபவர்கள் மீது காவல்துறை கடுமையான நடவடிக்கை எடுக்க வேண்டும் என்றும் பொதுமக்கள் கோரிக்கை விடுத்துள்ளனர்.