நாய்களுக்காகவா..? சாப்பிட கூட இல்லை… முதல் மந்திரி மீது தாக்குதல் நடத்தியது ஏன்..? வெளியான பரபரப்பு தகவல்கள்…!!

டெல்லியில் முதல் மந்திரி ரேகா குப்தா தலைமையில் பா.ஜ.க ஆட்சி செய்து வருகிறது. சமீபத்தில் டெல்லியில் பெய்த கனமழையினால் ஏற்பட்ட பாதிப்பை முதல் மந்திரி ரேகா குப்தா நேரில் சென்று பார்வையிட்டார், அது மட்டும் இல்லாமல் வெள்ளத்தில் இறங்கி ஆய்வும் மேற்கொண்டார். இந்நிலையில் நேற்று காலை சிவில் லைன்ஸ் பகுதியில் உள்ள முதல் மந்திரியின் இல்லத்தில் மக்கள் குறை கேட்கும் நிகழ்வு நடந்தது. அப்போது அங்கிருந்த 35 வயது மதிப்பு மிக்க நபர் ஒருவர் திடீரென்று முதல் மந்திரி ரேகா குப்தாவை தாக்கினார்.

ரேகா குப்தாவிடம் குறைகளை கூறுவது போல கூறிக் கொண்டே சில ஆவணங்களை கொடுப்பது போல கொடுத்து , திடீரென்று அவரைத் தாக்கியுள்ளார் தாக்கியதில் அவருக்கு லேசான காயம் ஏற்பட்டது. சிகிச்சைக்காக மருத்துவமனை அழைத்துச் சென்றனர் தற்போது அவர் நலமாக உள்ளார் என டாக்டர்கள் கூறியுள்ளனர்.  தாக்குதல் செய்த நபரை கைது செய்து போலீசார் விசாரணை நடத்தி வருகின்றனர். ராஜேஷ் கிம்ஜி என்ற நபர் தான் என அடையாளம் காணப்பட்டுள்ளது.

ராஜேஷ் கிம்ஜியின் தாயார் பானுபென் கூறுகையில், “நாய்களின் மீது உள்ள அன்பால் என் மகன் இப்படி செய்து விட்டான். நாய்களை குறித்த செய்தி வந்ததிலிருந்து அவன் சாப்பிடவே இல்லை. அவனை மன்னித்து விடுங்கள் என்று முதலமைச்சர் இடம் வேண்டுகோள் விட்டுள்ளார். டெல்லிக்கு எப்போது வந்தான் என்று கூட எங்களுக்கு தெரியாது நேற்று அவனுடைய தந்தை எங்கே இருக்கிறாய்? எப்பொழுது வருவாய் என்று கேட்டார்? அதற்கு அவன் நாய்கள் விஷயத்திற்காக டெல்லியில் இருக்கிறேன் என கூறிவிட்டு தொலைபேசியை வைத்து விட்டான்.

அவன் ரிக்சா ஓட்டி வருகிறான் மனைவி மகன் உள்ளனர் என்று கூறியுள்ளார். ராஜேஷ் இடம் தீவிர விசாரணை நடந்து வருகிறது விசாரணையில் அவர் டெல்லிக்கு நேற்று காலை முதல் முறையாக வந்துள்ளார் என்று தெரியவந்துள்ளது. அவர் மீது கொலை முயற்சி வழக்கும் உள்ளது. எனவே போலீசார் தொடர்ந்து விசாரணை நடத்தி வருகின்றனர்.