ஹிட் அடித்த பாடல்… “10 வைர மோதிரத்தோடு போனேன்” தயாரிப்பாளர் பகிர்ந்த தகவல்….!!

2006 ஆம் ஆண்டு கமல்ஹாசன் ஜோதிகா பிரகாஷ்ராஜ் நடிப்பில் வெளியான திரைப்படம் வேட்டையாடு விளையாடு. இந்த படத்தை கௌதம் மேனன் இயக்கிய நிலையில் மாணிக்கம் நாராயணன் தயாரித்திருந்தார். 25 கோடி செலவில் தயாரான இந்த படம் 60 கோடி ரூபாய் வசூல் செய்து வெற்றி படமாக திகழ்ந்தது.

1999 ஆம் ஆண்டு வெளியான படையப்பாவின் வசூல் சாதனையை இந்தப் படம் முறியடித்தது என்று கூறலாம். இந்த படத்தின் வெற்றிக்கு படத்தில் அமையப்பெற்ற பாடல்களும் முக்கிய காரணமாக அமைந்தது. இந்த படத்தில் இசையமைத்த ஹாரிஸ் ஜெயராஜ் ஒவ்வொரு பாடலையும் அற்புதமாக அமைத்திருந்தார்.

ஹாரிஸ் ஜெயராஜ் இசை அமைத்த மஞ்சள் வெயில் பாடலை தனது மகனிடம் எப்படி இருக்கிறது என்று கேட்டுள்ளார். அதற்கு மாணிக்கம் நாராயணனின் மகன் பாடல் அற்புதமாக இருக்கிறது என்று கூறியுள்ளார் அதேபோன்று பார்த்த முதல் நாளே பாடலும் சூப்பர் ஹிட் பாடல் ஆக அமைந்தது.

இதனால் மகிழ்ச்சி அடைந்த தயாரிப்பாளர் மாணிக்கம் நாராயணன் பாடல் வெளியீட்டு விழாவிற்கு ஹாரிஸ் ஜெயராஜுக்கு பரிசு கொடுக்க வேண்டும் என்று முடிவு செய்து 10 வைர மோதிரங்களுடன் சென்றுள்ளார். அதில் ஒரு மோதிரத்தை ஹாரிஸ் ஜெயராஜ் தேர்ந்தெடுத்துள்ளார். இதனை தயாரிப்பாளர் மாணிக்கம் நாராயணன் பேட்டி ஒன்றில் பகிர்ந்துள்ளார்.