மகாராஷ்டிராவின் பால்ஹர் மாவட்டத்தில் அபிஜித் மெண்டல் என்பவர் தனியார் கால்பந்து பயிற்சி அகாடமி ஒன்றை நடத்தி வருகிறார். கால்பந்து விளையாட்டில் தேசிய மற்றும் சர்வதேச அளவில் பெரிய வாய்ப்புகளைப் பெற்றுத் தருவதாக, அங்கு பயிற்சிக்கு வரும் இளம் வீரர், வீராங்கனைகளிடம் அவர் வாக்குறுதி அளித்துள்ளார். இந்த ஆசை வார்த்தைகளை நம்பி, அங்கு பயிற்சிக்குச் சேர்ந்த 17 வயது சிறுமி வீராங்கனையின் நம்பிக்கையைத் தன்வசப்படுத்தி, அந்த பயிற்சியாளர் அவரைத் திட்டமிட்டு ஏமாற்றியுள்ளார்.
பாதிக்கப்பட்ட அந்தச் சிறுமியை ஏமாற்றியதோடு மட்டுமன்றி, அவரின் சில தனிப்பட்ட வீடியோக்களையும் அந்தப் பயிற்சியாளர் வைத்துள்ளார். “நான் சொல்லும் கோரிக்கைகளுக்கு இணங்க வேண்டும், இல்லையென்றால் உன்னுடைய இந்த வீடியோக்களை சமூக ஊடகங்களில் பரப்பி உனது வாழ்க்கையை அழித்துவிடுவேன்” என்று அந்தச் சிறுமியைப் பயமுறுத்தி, தொடர் மிரட்டல்களையும் பிளாக்மெயில்களையும் அவர் செய்துள்ள
பயிற்சியாளரின் இந்தத் தொடர் அச்சுறுத்தல்களால் மன உளைச்சலுக்கு ஆளான அந்தச் சிறுமி, இறுதியாகத் துணிச்சலுடன் மணிக்பூர் காவல் நிலையத்தை அணுகி புகார் அளித்தார். தனது புகாரில், “அவரின் தவறான கோரிக்கைகளுக்கு நான் இணங்கவில்லை என்றால், அந்த வீடியோக்களை சமூக ஊடகங்களில் பரப்பிவிடுவதாக மிரட்டுகிறார்” என்று பாதிக்கப்பட்டு கதறியுள்ளார். இப்புகாரின் அடிப்படையில் போலீசார் வழக்குப் பதிவு செய்து தீவிர விசாரணை நடத்தி வருகின்றனர்.