ஸ்டாலினுக்கு செம ஷாக்… விஜய்க்கு ஆதரவு தெரிவித்த திருமாவளவன்…. தமிழக அரசியலில் அடுத்த பரபரப்பு…!

தமிழகத்தில் வருகின்ற 2026 சட்டமன்றத் தேர்தலை எதிர்கொள்ள விஜய் தயாராகி வருகின்றார். கரூர் சம்பவத்திற்கு பிறகு தமிழக வெற்றி கழகம் கட்சி பல சவால்களை சந்தித்தாலும் தற்போது மீண்டும் தனது கட்சியை பலப்படுத்தும் முயற்சியில் விஜய் தீவிரம் காட்டி வருகிறார். தற்போது தமிழகத்தில் விஜய்க்கு மிகப்பெரிய ஆதரவு உள்ளது. இதனிடையே தமிழக வெற்றிக்கழகம் கட்சியின் முதல் மாநாட்டிலேயே அரசியல் எதிரி திமுக என்றும் கொள்கை எதிரி பாஜக என்றும் விஜய் அறிவித்திருந்தார். எதிரியாக திமுக இருக்கும் பட்சத்தில் திமுகவின் கூட்டணி கட்சிகள் சில தமிழக வெற்றி கழகம் கட்சியையும் விஜயையும் விமர்சிப்பதை விட்டுவிட்டு அவருக்கு ஆதரவாகவும் அவர் அரசியலில் வெற்றி பெற அறிவுரைகளையும் வழங்கி வருகின்றன.

அதிலும் முக்கியமாக திமுக கூட்டணியில் நீண்ட காலமாக அங்கம் வகிக்கும் விடுதலை சிறுத்தைகள் கட்சியின் நிலைப்பாடு விஜய் வருகைக்கு பிறகு மாறி இருப்பது தமிழக அரசியலில் புதிய திருப்பத்தை ஏற்படுத்தியுள்ளது. விடுதலை சிறுத்தைகள் கட்சியின் தலைவர் திருமாவளவன், செங்கோட்டையன் தமிழக வெற்றிக்கழகம் கட்சியில் இணைந்த போது விஜய் மிகவும் கவனமாக இருக்க வேண்டும் என அறிவுறுத்தினார். இது திமுகவில் பெரிய சலசலப்பை ஏற்படுத்திய நிலையில் தற்போது செய்தியாளர்களை சந்தித்து பேசிய திருமாவளவன், விஜய் வெறுப்பு அரசியலை உயர்த்தி பிடிக்கின்றார்.

தமிழக வெற்றி கழகம் முன்வைக்கும் அரசியல் கொள்கை சார்ந்த அரசியலாக இல்லாமல் ஆளும் கட்சி மீதான வெறுப்பை உமிழும் அரசியலாக இருக்கிறது . விஜயின் அரசியல் வருகையை முதன்முதலில் வரவேற்றது எங்கள் கட்சிதான் என்றும் கூறியுள்ளார். திமுகவை கடுமையாக எதிர்க்கும் விஜயை ஆதரித்தோம் என்று கூறும் இவருடைய கருத்து திமுகவுக்கு எதிரானதாக பார்க்கப்படுகிறது. கடந்த சில நாட்களாகவே திருமாவளவன் திமுகவுக்கு எதிராக பல விஷயங்களில் குரல் எழுப்பி வருவது குறிப்பிடத்தக்கது.