“ஒரு கை ஸ்டீயரிங், மறு கை பட்டாசு”…. உயிரோடு விளையாடும் விபரீத இளைஞர்கள்…. துவாரகா விரைவுச்சாலை ஸ்டண்ட் வைரல் வீடியோ….!

துவாரகா விரைவுச்சாலையில் நள்ளிரவில் இளைஞர்கள் சிலர் காரில் சென்றவாறே ‘ஸ்கை ஷாட்’ பட்டாசுகளைக் கொளுத்தி ஆபத்தான முறையில் ஸ்டண்ட் செய்த வீடியோ சமூக வலைதளங்களில் வெளியாகி பெரும் அதிர்ச்சியை ஏற்படுத்தியுள்ளது. ஹூண்டாய் ரக கார் ஒன்றின் கண்ணாடிகள் முற்றிலும் கறுப்பு நிற ஒட்டுபடலத்தால் மறைக்கப்பட்டிருந்த நிலையில், ஓட்டுநர் ஒரு கையால் ஸ்டீயரிங்கைப் பிடித்துக்கொண்டு மறு கையால் பட்டாசு வெடித்துள்ளார். இந்த விபரீதச் செயலை மற்றொரு காரின் சன்ரூஃப் வழியே நின்றுகொண்டு சில நபர்கள் பின்தொடர்ந்து வீடியோ எடுத்ததும் அம்பலமாகியுள்ளது.

சாலையில் செல்லும் பிற வாகன ஓட்டிகளின் பாதுகாப்பைக் கொஞ்சமும் மதிக்காமல் அரங்கேறியுள்ள இந்தச் செயல் கடும் கண்டனத்திற்குரியது. ஓடும் காரில் இருந்து எகிறிப் பறக்கும் பட்டாசுகள் மற்ற வாகனங்கள் மீது பட்டுருந்தால், யாருமே எதிர்பாராத விதமாக மிகக் கொடூரமான விபத்துகள் ஏற்பட்டிருக்கக் கூடும். போக்குவரத்து விதிமீறல்களையும், இது போன்ற ஆபத்தான ஸ்டண்ட்களையும் தடுத்து கடுமையான நடவடிக்கை எடுக்கப்படும் என்று போலீசார் தொடர்ந்து எச்சரித்து வந்தாலும், இதுபோன்ற சம்பவங்கள் தொடர்கதையாகி வருவது பொதுமக்களிடையே பெரும் அச்சத்தையும் கவலையையும் ஆழ்த்தியுள்ளது.

பொதுவெளியில் பொதுமக்களின் உயிரோடு விளையாடும் இத்தகைய சமூகவிரோத செயல்களில் ஈடுபடுபவர்கள் மீது போக்குவரத்துப் போலீசார் இன்னும் தீவிரமான மற்றும் சமரசமற்ற நடவடிக்கைகளை மேற்கொள்ள வேண்டும். கடுமையான அபராதங்கள் மற்றும் சட்டப்பூர்வமான தண்டனைகளை உடனடியாக நடைமுறைப்படுத்தினால் மட்டுமே, சாலைகளில் இது போன்ற விபரீத ஸ்டண்ட்கள் மீண்டும் நடைபெறாமல் தடுக்கப்பட்டு, பயணிகளின் பாதுகாப்பு முழுமையாக உறுதி செய்யப்படும்.