தமிழகத்தில் காலியாக உள்ள 7 சட்டமன்றத் தொகுதிகளுக்கான இடைத்தேர்தல் களம் தற்போதே சூடுபிடிக்கத் தொடங்கியுள்ள நிலையில், தமிழக வெற்றிக் கழகத்தில் வேட்பாளர் ரேஸ் பெரும் பரபரப்பை ஏற்படுத்தியுள்ளது. குறிப்பாக, முதலமைச்சர் விஜய் ராஜினாமா செய்ததால் முக்கியத்துவம் வாய்ந்த தொகுதியாக மாறியுள்ள திருச்சி கிழக்கில், தனது மகனை வேட்பாளராகக் களமிறக்க முன்னாள் அமைச்சர் கு.ப.கிருஷ்ணன் தீவிர முயற்சிகளை மேற்கொண்டு வருகிறார்.
அதேநேரம், இத்தொகுதியில் ஒருவேளை திமுக தரப்பில் மு.க.ஸ்டாலின் போட்டியிட்டால், அவருக்கு எதிராக வலுவான போட்டியாளராக வைகோவை நிறுத்த தவெக தலைமை தீவிர முனைப்பு காட்டி வருவதாக அரசியல் வட்டாரத்தில் பேசப்படுகிறது. இதுமட்டுமன்றி, இதர தொகுதிகளில் ஏற்கனவே ராஜினாமா செய்த முன்னாள் எம்.எல்.ஏ-க்களும், அந்தந்தப் பகுதி உள்ளூர் தவெக நிர்வாகிகளும் தங்களுக்குத்தான் சீட் வேண்டும் என்று கட்சித் தலைமையிடம் மல்லுக்கட்டி வருவதால், தவெகவின் வேட்பாளர் தேர்வு தற்போதே பெரும் எதிர்பார்ப்பை ஏற்படுத்தியுள்ளது.