ஹைதராபாத் பசவதாரகம் நகரைச் சேர்ந்த 24 வயது ஆசிரியை ஒருவர், தனது கணவர் மீது பிலிம்நகர் போலீஸ் நிலையத்தில் பரபரப்பான புகார் அளித்துள்ளார்.அப் புகாரில், தனது கணவர் தன்னுடைய தனிப்பட்ட ஆபாசப் புகைப்படங்கள் மற்றும் வீடியோக்களை சமூக வலைதளங்களில் வெளியிட்டு வைரலாக்குவதாகக் கூறித் தொடர்ந்து மிரட்டி மன உளைச்சலுக்கு ஆளாக்கி வருவதாகத் தெரிவித்துள்ளார்.
மேலும், கடந்த 2022-ஆம் ஆண்டிலேயே தனது புகைப்படங்களைத் தவறாகப் பயன்படுத்தி பேஸ்புக்கில் பதிவிட்டதாகவும், தற்போது தனது இன்ஸ்டாகிராம் பக்கத்தில் ஆபாசக் கருத்துகளைப் பதிவிட்டு அச்சுறுத்தி வருவதாகவும் அவர் குறிப்பிட்டுள்ளார். இப் புகாரின் அடிப்படையில் பிலிம்நகர் போலீசார் வழக்குப்பதிவு செய்து விசாரணை நடத்தி வருகின்றனர்.