“மயக்க ஊசியும் 9 இன்சுலின் பாட்டில்களும்…” படுக்கையில் சடலமாக கிடந்த பெண் மருத்துவர்… டைரியில் சிக்கிய உருக்கமான கடிதம்…!!

புதுச்சேரி வெங்கட்டா நகரைச் சேர்ந்த ஓய்வுபெற்ற அதிகாரி வாசுதேவனின் 26 வயது மகள் டாக்டர் யோகலட்சுமி, புதுச்சேரி ஜிப்மர் மருத்துவக் கல்லூரியில் எம்.டி இறுதியாண்டு படித்து வந்தார். அடுத்தடுத்து வரவிருந்த இறுதித் தேர்வுகளுக்காகத் தீவிரமாகத் தயாராகி வந்த யோகலட்சுமி, கடந்த சில நாட்களாக மிகுந்த மன அழுத்தத்துடனும் சோர்வுடனும் காணப்பட்டுள்ளார். வழக்கம்போலப் பெற்றோருடன் இரவு உணவை முடித்துவிட்டுத் தனது அறைக்குத் தூங்கச் சென்ற யோகலட்சுமி, மறுநாள் காலை வெகுநேரமாகியும் கதவைத் திறக்கவில்லை.

இதனால் சந்தேகமடைந்த பெற்றோர் அக்கம் பக்கத்தினர் உதவியுடன் கதவை உடைத்து உள்ளே சென்று பார்த்தபோது, அவர் படுக்கையில் பிணமாகக் கிடந்ததைக் கண்டு கதறித் துடித்தனர். அவரது உடலின் அருகே காலியான மயக்க மருந்து பாட்டில், 9 இன்சுலின் மருந்து பாட்டில்கள் மற்றும் 3 ஊசிகள் கிடந்தன. தன் உடலிலேயே அளவுக்கு அதிகமான மயக்க மருந்தையும் இன்சுலினையும் செலுத்தி அவர் உயிரை மாய்த்துக் கொண்டது தெரியவந்தது. மேலும், அவரது டைரியில் “என் தற்கொலை முடிவுக்கு யாரும் காரணமில்லை; என்னை மன்னித்துவிடுங்கள்” என எழுதியிருந்த உருக்கமான கடிதத்தை கைப்பற்றிய பெரியகடை போலிஸார், இச்சம்பவம் குறித்துத் தீவிர விசாரணை நடத்தி வருகின்றனர்.