30 திராம் வசூலிப்பது அஜீத்குமாருடன் புகைப்படம் எடுக்க அல்ல… துபாயில் நடந்த விஷயம் குறித்து விளக்கம் தந்த பிரபலம்!

நடிகர் அஜீத்குமார் துபாயில் நடந்து வரும் கார் ரேஸில் பங்கேற்று வருகிறார். இந்நிலையில் அவருடன் புகைப்படம் எடுத்துக்கொள்ள ரசிகர்களிடம் 30 திராம் அதாவது இந்திய மதிப்பில் ரூ. 750 வரை கட்டணமாக வசூலிப்பதாக ஒரு தகவல் வெளியானது. இது ரசிகர்கள் மத்தியில் கடும் அதிருப்தியை ஏற்படுத்தியது. தற்போது இதுகுறித்து பேசிய வலைப்பேச்சு ஜெ பிஸ்மி விளக்கம் தந்துள்ளார்.

இதுபற்றி அவர் கூறியதாவது, அஜீத்குமாருடன் புகைப்படம் எடுக்க 30 திராம் கட்டணமாக வசூலிக்கப்படுவது இல்லை. அஜீத்குமார் பங்கேற்கும் ரேஸ்சை பார்க்க அங்கு வரும் பார்வையாளர்களிடம் நுழைவு கட்டணமாக தான் 30 திராம் வசூலிக்கப்படுகிறது. அதனால் அந்த கட்டணம் ரேஸ் நடத்தும் நிறுவனம்தான் வசூலிக்கிறது என்று ஒரு வீடியோவில் ஜெ பிஸ்மி விளக்கம் அளித்துள்ளார்.