மகாராஷ்டிர மாநிலம் சத்ரபதி சம்பாஜிநகர் மாவட்டத்திலுள்ள பைதான் பகுதியில், பெற்ற தந்தையே தனது இரண்டு மகன்களைக் கால்வாயில் வீசிய கொடூரச் சம்பவம் அரங்கேறியுள்ளது. 40 வயதான சோம்நாத் தாமோதர் ரோட்ஜ் என்பவர், சாக்லேட் மற்றும் வடாபாவ் வாங்கித் தருவதாக ஆசை வார்த்தை கூறி, தனது 7 வயது மகன் ஆர்யன் மற்றும் 5 வயது மகன் ஷியாம் ஆகியோரை இருசக்கர வாகனத்தில் வெளியே அழைத்துச் சென்றுள்ளார். கால்வாய் கரைக்குச் சென்றதும் தந்தையின் விபரீத எண்ணத்தை உணர்ந்த சிறுவர்கள், உயிர் பயத்தில் அழுது கதறியபடியே தங்களை விட்டுவிடுமாறு கெஞ்சியுள்ளனர்; ஆனால், சிறுவர்களின் கதறலைத் துளியும் பொருட்படுத்தாத சோம்நாத், இருவரையும் ஓடும் நீரில் தூக்கி வீசியுள்ளார்.
இந்தப் பதறவைக்கும் காட்சியைக் கண்ட அப்பகுதி விவசாயிகள், சிறுவர்களைக் காப்பாற்ற ஓடி வந்தபோது, சோம்நாத் அவர்கள் மீது கற்களை வீசியும் தகாத வார்த்தைகளால் திட்டியும் தடுத்துள்ளார். இதனால் அதிர்ச்சியடைந்த விவசாயிகள் உடனடியாகப் பச்சோட் காவல்துறையினருக்குத் தகவல் அளித்தனர். சம்பவ இடத்திற்கு விரைந்து வந்த காவல்துறையினர் சோம்நாத்தைக் கைது செய்து விசாரணை நடத்தியதில், அவர் தனது குழந்தைகளைக் கால்வாயில் வீசியதை ஒப்புக்கொண்டுள்ளார்.
திங்கள்கிழமை இரவு முதல் காவல்துறையினரும் நீச்சல் வீரர்கள் அடங்கிய மீட்புக் குழுவினரும் கால்வாயில் தீவிரத் தேடுதல் வேட்டையில் ஈடுபட்டு வருகின்றனர். நீரோட்டம் அதிகமாக இருப்பதால் மீட்புப் பணிகளில் சவால் நிலவி வருவதோடு, இதுவரை சிறுவர்கள் இருவரும் மீட்கப்படாததால் அப்பகுதியில் பெரும் சோகமும் பதற்றமும் நிலவுகிறது. ஆசையாக அழைத்துச் சென்ற குழந்தைகளைத் தந்தையே கொல்ல முயன்றதற்கான பின்னணி மற்றும் குடும்பப் பிரச்சினைகள் குறித்துக் காவல்துறையினர் தொடர்ந்து விசாரணை நடத்தி வருகின்றனர்.
உத்தரப் பிரதேச மாநிலம் கோண்டாவில், மாமியாரின் இறுதிச் சடங்குகளை முடித்துவிட்டு ஆற்றங்கரையில் முகம் கழுவச் சென்ற மருமகனை ராட்சத முதலை…
அசாம் மாநிலம் திப்ருகரில் ஆன்லைன் விளையாட்டில் ரூ.4 லட்சம் பணத்தை இழந்த வாடகைதாரர் ஒருவர், தனது கடனை அடைப்பதற்காக வீட்டின்…
அமெரிக்காவின் புளோரிடா மாகாணத்தில் உள்ள பள்ளியில் தற்காலிக ஆசிரியராகப் பணியாற்றிய மியா அசெவெடோ கல்லார்டோ (20) என்பவர், 17 வயது…
பீகார் மாநிலம் பெட்டியாவில் பட்டப்பகலில் பிரபல நகைக்கடைக்குள் துப்பாக்கியுடன் புகுந்த 6 முதல் 8 பேர் கொண்ட மர்ம கும்பல்,…
திருநெல்வேலி மாவட்டம் முன்னீர்பள்ளம் பகுதியில் 80 வயது மூதாட்டி ஒருவர் நவம்பர் 16-ஆம் தேதி அதிகாலை 5.45 மணியளவில் இயற்கை…
திண்டுக்கல் மாவட்டத்தைச் சேர்ந்த ஓய்வுபெற்ற ஐ.ஏ.எஸ். அதிகாரியின் மகன் வருண் பாலாஜி, சென்னை சோழிங்கநல்லூரில் உள்ள குடியிருப்பு ஒன்றின் 9-வது…