தமிழகத்தில் காலியாக உள்ள திருச்சி கிழக்கு, அம்பாசமுத்திரம் உள்ளிட்ட ஐந்து சட்டமன்றத் தொகுதிகளுக்கான இடைத்தேர்தல் விரைவில் அறிவிக்கப்பட உள்ள நிலையில், அரசியல் களம் சூடுபிடிக்கத் தொடங்கியுள்ளது. 2026 சட்டமன்றத் தேர்தலில் கூட்டணிக் கட்சிகளின் ஆதரவோடு ஆட்சியமைத்துள்ள தமிழக வெற்றிக் கழகத்தின் தலைவர் விஜய், தான் வெற்றி பெற்ற இரு தொகுதிகளில் ஒன்றான திருச்சி கிழக்கு எம்.எல்.ஏ பதவியை ராஜினாமா செய்தார். இதேபோல், பல்வேறு கட்சிகளைச் சேர்ந்த சில சட்டமன்ற உறுப்பினர்கள் தங்கள் பதவிகளை ராஜினாமா செய்துவிட்டு தமிழக வெற்றிக் கழகத்தில் இணைந்ததால் மொத்தம் ஏழு தொகுதிகள் காலியாகின. இதில் மதுராந்தகம் மற்றும் தாராபுரம் தொகுதிகளுக்கு அண்மையில் நடைபெற்ற இடைத்தேர்தலில் தமிழக வெற்றிக் கழகம் வெற்றி பெற்ற நிலையில், எஞ்சியுள்ள ஐந்து தொகுதிகளுக்கும் ஜனவரி மாதத்திற்குள் தேர்தல் நடத்தப்படலாம் என தகவல்கள் வெளியாகியுள்ளன.
இந்த இடைத்தேர்தல் களத்தில் அம்பாசமுத்திரம் தொகுதியில் தான் போட்டியிடப் போவதாக நாம் தமிழர் கட்சியின் தலைமை ஒருங்கிணைப்பாளர் சீமான் அறிவித்துள்ளதாக தகவல்கள் தெரிவிக்கின்றன. அம்பாசமுத்திரம் தொகுதியில் நாடார் மற்றும் முக்குலத்தோர் சமூக வாக்குகள் கணிசமாக உள்ளதாகவும், அந்த இரு சமூகங்களின் ஆதரவும் தனக்குக் கிடைக்கும் என்ற கணக்கிலேயே சீமான் இத்தொகுதியைத் தேர்ந்தெடுத்துள்ளதாகவும் அரசியல் வட்டாரங்களில் கூறப்படுகிறது. மறுபுறம், தமிழக வெற்றிக் கழகம் சார்பில் இசக்கி சுப்பையா மீண்டும் களமிறக்கப்படலாம் என எதிர்பார்க்கப்படுகிறது. அதிமுக மற்றும் திமுக ஆகிய கட்சிகளும் தங்கள் வேட்பாளர்களைத் தேர்வு செய்து தயார் நிலையில் வைத்துள்ளதாகவும், தேர்தல் தேதி அறிவிக்கப்பட்டவுடன் அதிகாரப்பூர்வ அறிவிப்புகள் வெளியாகும் என்றும் சொல்லப்படுகிறது.
இடைத்தேர்தல் அறிவிப்புக்கு முன்பாகவே அம்பாசமுத்திரம் தொகுதியில் தனது தேர்தல் பணிகளை சீமான் தீவிரப்படுத்தியுள்ளதாக நாம் தமிழர் கட்சியினர் தெரிவிக்கின்றனர். இதன் ஒரு பகுதியாக, நவம்பர் 27-ஆம் தேதி அம்பாசமுத்திரத்தில் சீமான் தலைமையில் மாவீரர் நாள் வீர வணக்கப் பொதுக்கூட்டம் நடைபெற உள்ளது. இப்பொதுக்கூட்டப் பணிகளை ஒருங்கிணைப்பதற்காக 132 பேர் கொண்ட அம்பாசமுத்திரம் ஒருங்கிணைப்புக் குழுவை அமைத்து சீமான் அறிவிப்பு வெளியிட்டுள்ளார். இது தொகுதியில் கட்சியின் கட்டமைப்பை வலுப்படுத்தும் முயற்சியாகப் பார்க்கப்படுகிறது.
மேலும், நவம்பர் 26-ஆம் தேதி திருநெல்வேலி பாளையங்கோட்டையில் நாம் தமிழர் கட்சி சார்பில் ‘தமிழர் எழுச்சி நாள் விழா’ கொண்டாடப்பட இருக்கிறது. இதனைத் தொடர்ந்து அம்பாசமுத்திரம் தொகுதியை மையப்படுத்தியே சீமானின் அடுத்தகட்ட அரசியல் திட்டங்கள் வகுக்கப்பட்டுள்ளதாகக் கட்சி வட்டாரங்கள் குறிப்பிடுகின்றன. இத்தகைய பொதுக்கூட்டங்கள் மற்றும் எதிர்வரும் இடைத்தேர்தல் செலவுகளைச் சமாளிப்பதற்காக, வழக்கம்போல மக்களிடம் திரள்நிதி (Crowdfunding) கோரி சீமான் விரைவில் காணொலி ஒன்றை வெளியிட உள்ளதாகவும் தகவல்கள் தெரிவிக்கின்றன.
உத்தரப் பிரதேச மாநிலம் கோண்டாவில், மாமியாரின் இறுதிச் சடங்குகளை முடித்துவிட்டு ஆற்றங்கரையில் முகம் கழுவச் சென்ற மருமகனை ராட்சத முதலை…
அசாம் மாநிலம் திப்ருகரில் ஆன்லைன் விளையாட்டில் ரூ.4 லட்சம் பணத்தை இழந்த வாடகைதாரர் ஒருவர், தனது கடனை அடைப்பதற்காக வீட்டின்…
மகாராஷ்டிர மாநிலம் சத்ரபதி சம்பாஜிநகர் மாவட்டத்திலுள்ள பைதான் பகுதியில், பெற்ற தந்தையே தனது இரண்டு மகன்களைக் கால்வாயில் வீசிய கொடூரச்…
அமெரிக்காவின் புளோரிடா மாகாணத்தில் உள்ள பள்ளியில் தற்காலிக ஆசிரியராகப் பணியாற்றிய மியா அசெவெடோ கல்லார்டோ (20) என்பவர், 17 வயது…
பீகார் மாநிலம் பெட்டியாவில் பட்டப்பகலில் பிரபல நகைக்கடைக்குள் துப்பாக்கியுடன் புகுந்த 6 முதல் 8 பேர் கொண்ட மர்ம கும்பல்,…
திருநெல்வேலி மாவட்டம் முன்னீர்பள்ளம் பகுதியில் 80 வயது மூதாட்டி ஒருவர் நவம்பர் 16-ஆம் தேதி அதிகாலை 5.45 மணியளவில் இயற்கை…