ஐயோ, மது குடிக்க பணம் இல்லாததால்… 3 வயது பிஞ்சு குழந்தையை… தந்தை செய்த கொடூர சம்பவம்…!

திருச்சிராப்பள்ளி மாவட்டத்தில் மது குடிக்க பணம் இல்லாததால் குழந்தையை விற்பனை செய்த சம்பவம் அதிர்ச்சியை ஏற்படுத்தியுள்ளது. திருச்சி மாவட்டம் அரியமங்கலம் அருகே வசித்து வரும் ரவிக்குமார் என்பவர் மது பழக்கத்திற்கு அடிமையானவர். இவர் தினமும் மது அருந்துவதை வழக்கமாக வைத்துள்ளார். இந்நிலையில் மது அருந்துவதற்கு பணம் இல்லாததால் தன்னுடைய மூன்று வயது மகளை 30,000 ரூபாய்க்கு ஒரு தம்பதியினரிடம் விற்பனை செய்துள்ளார். இது தொடர்பாக குழந்தையின் தாய் அரியமங்கலம் காவல் நிலையத்தில் புகார் அளித்துள்ளார்.

அவருடைய புகாரின் அடிப்படையில் விசாரணையில் இறங்கிய காவல்துறையினர் ரவிக்குமாரை கைது செய்துள்ளனர். மேலும் அவரிடம் நடத்திய விசாரணையின் அடிப்படையில் குழந்தையை விற்பதற்கு புரோக்கராக செயல்பட்ட சாகுல் என்ற நபரையும் கைது செய்துள்ளனர். இந்த சம்பவத்தில் சட்டவிரோதமாக குழந்தையை வாங்கிய தம்பதியும் கைது செய்யப்பட்டுள்ளது. அவர்களிடமிருந்து குழந்தையும் மீட்கப்பட்ட நிலையில் இந்த சம்பவம் அப்பகுதியில் பெரும் அதிர்ச்சியையும் பரபரப்பையும் கிளப்பியுள்ளது.