கர்நாடக மாநிலம் பெங்களூரு அருகே உள்ள பகுதியில் முனி கிருஷ்ணா என்ற கூலித்தொழிலாளி வசித்து வருகின்றார். இவருக்கு சத்யா என்ற மனைவியும் இரண்டு வயதில் ஜோயல் என்ற ஆண் குழந்தையும் உள்ளது. அந்த குழந்தை பிறந்ததிலிருந்து உடல் நல பாதிப்புடன் இருந்ததால் முனிகிருஷ்ணா மற்றும் சத்யா இருவரும் சேர்ந்து பல மருத்துவமனைகளுக்கு அழைத்துச் சென்று சிகிச்சை அளித்து வந்துள்ளன. இதனிடையே கடந்த டிசம்பர் 22ஆம் தேதி குழந்தையின் வாயிலிருந்து நுரை வந்தது.
இதனைப் பார்த்து அதிர்ச்சி அடைந்த சத்தியா உடனே குழந்தையை அருகில் இருந்த மருத்துவமனைக்கு அழைத்துச் சென்ற நிலையில் தீவிர கண்காணிப்பு பிரிவில் அனுமதித்து மருத்துவர்கள் சிகிச்சை அளித்தனர். இதனிடையே குழந்தைக்கு விஷம் கொடுக்கப்பட்டதால் தான் உயிருக்கு ஆபத்து ஏற்பட்டு இருப்பதாக சத்யாவிடம் மருத்துவர்கள் தெரிவித்தனர். இதனால் அதிர்ச்சி அடைந்த அவர் இது பற்றி குடும்பத்தினரிடம் விசாரித்துள்ளார். அப்போது கணவன் தான் குழந்தைக்கு விஷத்தை கொடுத்தது சத்யாவுக்கு தெரியவந்தது.
குழந்தையுடன் நலம் பாதிக்கப்பட்டு இருந்ததால் அதற்காக கடன் வாங்கி முனி கிருஷ்ணா மருத்துவ செலவு செய்துள்ளார். இதனால் மனமுடைந்த அவர் வேலைக்கு சென்று விட்டு வீட்டுக்கு வரும்போது 50 மில்லி விஷத்தை வாங்கி வந்து தனது குழந்தைக்கு கொடுத்துள்ளார். அதனால் குழந்தை உயிருக்கு போராடி வருவது தெரியவந்துள்ளது. இதனைத் தொடர்ந்து கணவர் மீது சத்யா போலீசில் புகார் அளித்த நிலையில் போலீசார் வழக்கு பதிவு செய்து அவரை கைது செய்துள்ளனர். இந்த சம்பவம் அப்பகுதியில் அதிர்ச்சியையும் பரபரப்பையும் ஏற்படுத்தியுள்ளது.