நள்ளிரவு நடந்த கொடூரம்…. “கோடாரியுடன் பாய்ந்த தந்தை!”… 9 மாதப் பிஞ்சு உயிர் துடிதுடிக்கப் பறிபோன சோகம்… போலீஸ் விசாரணையில் திடுக்கிடும் உண்மைகள்..!!!

உத்தரபிரதேச மாநிலம் சுல்தான்பூர் பகுதியில், குடும்பத் தகராறு காரணமாகத் தனது 9 மாதக் குழந்தையைக் கோடாரியால் அடித்துக் கொன்ற தந்தையின் கொடூரச் செயல் அப்பகுதியையே உலுக்கியுள்ளது. ஷம்புத்யாயல் கோரி என்பவருக்கும், அவரது மனைவிக்கும் இடையே நீண்ட நாட்களாகக் குடும்பப் பிரச்சினை இருந்து வந்துள்ளது. இந்த நிலையில், இன்றும் இருவருக்கும் இடையே ஏற்பட்ட வாக்குவாதம் முற்றியதில், ஆத்திரமடைந்த ஷம்புத்யாயல் தனது மனைவியைக் கொலை செய்யும் நோக்கில் கோடாரியால் தாக்கியுள்ளார். இதில் அவரது மனைவி படுகாயமடைந்தார்.

மனைவியைத் தாக்கியும் ஆத்திரம் தணியாத ஷம்புத்யாயல், தான் பெற்ற குழந்தை என்றும் பாராமல், தொட்டிலில் இருந்த 9 மாதக் குழந்தையைக் கோடாரியால் வெட்டியுள்ளார். இதில் அந்தப் பச்சிளம் குழந்தை ரத்த வெள்ளத்தில் சம்பவ இடத்திலேயே பரிதாபமாக உயிரிழந்தது. தகவல் அறிந்து விரைந்து வந்த காவல்துறையினர், உயிரிழந்த குழந்தையின் உடலைக் கைப்பற்றிப் பிரேதப் பரிசோதனைக்காக அனுப்பி வைத்தனர். மேலும், இந்தக் கொடூரச் செயலில் ஈடுபட்ட தந்தை ஷம்புத்யாயலை உடனடியாகக் கைது செய்தனர்.

காவல்துறையினர் நடத்திய முதற்கட்ட விசாரணையில், குற்றம் சாட்டப்பட்ட ஷம்புத்யாயல் சற்று மனநிலை பாதிக்கப்பட்டிருக்கலாம் என்ற திடுக்கிடும் தகவல் கிடைத்துள்ளது. இருப்பினும், குடும்பச் சண்டையில் பச்சிளம் குழந்தையைப் பலிகொடுத்த இச்சம்பவம் குறித்துப் போலீசார் தீவிர விசாரணை நடத்தி வருகின்றனர். ஒரு சிறிய வாக்குவாதம் கொலையில் முடிந்து, ஒரு பச்சிளம் உயிர் பறிபோனது சுல்தான்பூர் பகுதியில் பெரும் சோகத்தையும் பரபரப்பையும் ஏற்படுத்தியுள்ளது.