உயிருடன் பெட்ரோல் ஊற்றி எரிக்கப்பட்ட காதல் ஜோடி… நள்ளிரவில் விவசாய நிலத்தில் கேட்ட அலறல் சத்தம்… மாமனார் செய்த கொடூரம்…!

ராஜஸ்தான் மாவட்டம் ஜெய்ப்பூர் அடுத்துள்ள மவுக்கம்புரா பகுதியை சேர்ந்த 30 வயதுடைய சோனி என்பவருக்கும் அதே பகுதியை சேர்ந்த சிவா என்பவருக்கும் கடந்த சில வருடங்களுக்கு முன்பு திருமணமாகி இரண்டு குழந்தைகள் உள்ளனர். இதனிடையே இரண்டு ஆண்டுகளுக்கு முன்பு சிவா உடல் நலக்குறைவால் உயிரிழந்து விட்டார். பிறகு சோனி இரண்டு குழந்தைகளுடன் மாமியார் வீட்டில் வசித்து வந்தார். அப்போது சிவாவின் உறவினரான 40 வயதுடைய கைலாஷ் என்பவர் அடிக்கடி சோனியின் வீட்டுக்கு வந்து சென்ற நிலையில் இருவருக்கும் பழக்கம் ஏற்பட்டுள்ளது. பிறகு இவர்களுடைய பழக்கம் நாளடைவில் கள்ளக்காதலாக மாறிய நிலையில் அடிக்கடி தனிமையில் இருந்துள்ளனர்.

இதனை உறவினர்கள் மூலமாக அறிந்து கொண்ட சோனியின் மாமனார் மற்றும் அவருடைய கணவரின் அண்ணன் சோனியை கவனிக்க தொடங்கியுள்ளனர். தொடர்ந்து சோனி இரவு வீட்டில் அனைவரும் உறங்கிய பிறகு வெளியே சென்று அருகில் உள்ள விவசாய நிலத்தில் கைலாசை சந்திப்பதை வழக்கமாக வைத்திருந்தார். இதனை தொடர்ந்து கவனித்து வந்த மாமனார் மற்றும் கணவரின் அண்ணன் கணேஷ் ஆகிய இருவரும் சேர்ந்து இரவு சோனியை பின்தொடர்ந்து சென்று சோனி மற்றும் அவரது காதலனை பெற்றோர் ஊற்றிய எரித்துவிட்டு அங்கிருந்து தப்பி சென்று விட்டனர்.

இதனைத் தொடர்ந்து உயிருக்கு போராடிய இருவரையும் அப்பகுதி மக்கள் மீட்டு மருத்துவமனையில் சிகிச்சைக்காக அனுமதித்துள்ளனர். இது குறித்து தகவல் அறிந்து மருத்துவமனைக்கு சென்ற போலீசார் வழக்கு பதிவு செய்து சிறையில் அடைத்துள்ளனர். இந்நிலையில் மருத்துவமனையில் சிகிச்சை பலனின்றி கைலாஷ் உயிரிழந்த நிலையில் அதனை தொடர்ந்து சோனியும் சிகிச்சை பலனின்றி உயிர் இழந்தார். இந்த சம்பவம் அப்பகுதியில் சோகத்தையும் அதிர்ச்சியையும் ஏற்படுத்தி உள்ளது.