மன்யம் மாவட்டம், கோமராடா மண்டலத்திற்கு உட்பட்ட ரெப்பா மற்றும் வனதாரா ஆகிய கிராமங்களில் முறையான சாலை வசதிகள் இல்லாததால் பழங்குடியின மக்கள் தங்களது தினசரி வாழ்க்கையில் பெரும் துயரங்களைச் சந்தித்து வருகின்றனர். அவசர மருத்துவ உதவிக்குக் கூட வாகனங்கள் வர முடியாத இந்தச் சூழலில், யஷ்வந்த் என்ற தனது 5 வயது மகனுக்குக் கடும் காய்ச்சல் ஏற்பட்டதால், அவனது தந்தை அவனைத் தனது தோளிலேயே சுமந்துகொண்டு கரடுமுரடான பாதையில் சுமார் ஐந்து கிலோமீட்டர் தூரம் கால்நடையாகவே நடந்து சென்றுள்ளார்.
இவ்வாறு நீண்ட தூரம் நடந்து குனேரு பகுதியைச் சென்றடைந்த அவர், அங்குள்ள மருத்துவமனையில் தனது மகனை அனுமதித்துச் சிகிச்சை அளித்துள்ளார். அடிப்படை வசதிகள் கூட இல்லாத மலைவாழ் மக்களின் அன்றாட துயரத்தை இந்தச் சம்பவம் வெளிச்சத்திற்குக் கொண்டுவந்துள்ளது. எனவே, அரசு மற்றும் சம்பந்தப்பட்ட அதிகாரிகள் இனியாவது உடனடியாகத் தலையிட்டு, தங்கள் கிராமங்களுக்கு அத்தியாவசியத் தேவையான சாலை வசதியை அமைத்துத் தர வேண்டும் என அப்பகுதி மக்கள் வலுவான கோரிக்கையை முன்வைத்துள்ளனர்.