தமிழ்நாட்டில் பிளஸ் 2 துணைத் தேர்வுக்கு (Supplementary Exam) தட்கல் முறையில் விண்ணப்பிப்பதற்கான கால அவகாசத்தை மேலும் இரண்டு நாள்களுக்கு நீட்டித்து அரசுத் தேர்வுத்துறை அதிரடி உத்தரவு பிறப்பித்துள்ளது. இதன்படி, தவறவிட்ட தேர்வர்கள் வரும் ஜூன் 4-ம் தேதி வரை மாவட்ட வாரியாக அமைக்கப்பட்டுள்ள அரசுத் தேர்வு சேவை மையங்கள் (Service Centres) மூலமாகத் தட்கல் கட்டணத்தைச் செலுத்தி விண்ணப்பிக்கலாம். நடப்பு 2025 – 26 கல்வியாண்டில் பிளஸ் 2 பொதுத்தேர்வு எழுதிய 7,91,654 மாணவர்களில் 7,53,694 பேர் (95.20%) தேர்ச்சி பெற்றுள்ள நிலையில், தேர்ச்சி பெறாத மீதமுள்ள 37,960 மாணவர்களில் பெரும்பாலோர் இந்தத் துணைத் தேர்வெழுத ஆர்வம் காட்டி தொடர்ந்து விண்ணப்பித்து வருவதால், மாணவர்களின் நலனைக் கருத்தில்கொண்டு இந்த அவகாசம் நீட்டிக்கப்பட்டுள்ளது.
