டெல்லியில் ‘காக்ரோச் ஜனதா கட்சி’ அமைப்பினர் நடத்திய ‘சான்சத் சலோ’ பேரணியின் போது, சாஸ்திரி பவன் மற்றும் ஜந்தர் மந்தர் பகுதிகளில் போராட்டக்காரர்களுக்கும் காவல்துறையினருக்கும் இடையே மோதல் ஏற்பட்டது. போராட்டத்தைக் கட்டுப்படுத்தவும் கூட்டத்தைக் கலைக்கவும் டெல்லி காவல்துறை கண்ணீர் புகைக் குண்டுகளை வீசியும், தடிப்படி நடத்தியும் நடவடிக்கை எடுத்தது.
இந்தச் சம்பவத்தைத் தொடர்ந்து, டெல்லி காவல்துறை போராட்டக்காரர்கள் மீது காலாவதியான கண்ணீர் புகைக் குண்டுகளைப் பயன்படுத்தியதாகச் சமூக வலைதளங்களில் காணொலிகள் மற்றும் தகவல்கள் வைரலாகப் பரவின. காலாவதியான கண்ணீர் புகைக் குண்டுகளைப் பயன்படுத்துவது மக்களின் ஆரோக்கியத்திற்கு ஆபத்தானது என்றும், கடுமையான பாதிப்புகளை ஏற்படுத்தக்கூடும் என்றும் கூறிப் போராட்டக்காரர்களும் சமூக வலைதளப் பயனர்களும் காவல்துறை மீது குற்றம்சாட்டினர்.
இந்த வைரல் விவாதம் இணையத்தில் பெரும் பரபரப்பை ஏற்படுத்திய நிலையில், காவல்துறையின் பாதுகாப்பு நடைமுறைகள் குறித்துக் கேள்விகள் எழுப்பப்பட்டன. இருப்பினும், டெல்லி காவல்துறை வதந்திகளை நம்ப வேண்டாம் என்றும், நகரின் சட்ட ஒழுங்கைப் பராமரிக்கவே தாங்கள் தொழில்முறை ரீதியாகத் தகுந்த நடவடிக்கை எடுத்ததாகவும் கூறி இக்குற்றச்சாட்டுகளுக்கு விளக்கமளித்துள்ளது.