“திமுககாரர் வீட்டில் ஓட்டு கேட்காதீங்க”… அதிமுகவினருக்கு சி.வி.சண்முகம் போட்ட ‘ஸ்டிரிட்’ கண்டிஷன்…. இதுதான் காரணமா…?

அதிமுக வேட்பாளர் யாராக இருந்தாலும், இரட்டை இலை சின்னத்திற்காக அனைவரும் ஒன்றிணைந்து உழைக்க வேண்டும் என முன்னாள் அமைச்சர் சி.வி.சண்முகம் கட்சித் தொண்டர்களுக்கு அழைப்பு விடுத்துள்ளார். தேர்தல் களத்தில் கட்சியின் வெற்றியை உறுதி செய்ய அதிமுகவினர் தெருத்தெருவாகச் சென்று தீவிர வாக்குச் சேகரிப்பில் ஈடுபட வேண்டும் என்று அவர் அறிவுறுத்தினார். “நமது இலக்கு வெற்றி மட்டுமே, வேட்பாளர் யார் என்பது இரண்டாம் பட்சமே” என்பதை வலியுறுத்திய அவர், அடிமட்டத் தொண்டர்கள் முதல் நிர்வாகிகள் வரை அனைவரும் ஒருங்கிணைந்து செயல்பட வேண்டியதன் அவசியத்தை சுட்டிக்காட்டினார்.

தேர்தல் வியூகம் குறித்துப் பேசிய அவர், அதிமுகவினர் தேவையற்ற இடங்களில் நேரத்தை வீணடிக்கக் கூடாது என்று எச்சரித்தார். குறிப்பாக, “திமுகவினரின் வீடுகளுக்குச் சென்று வாக்கு கேட்க வேண்டிய அவசியமில்லை, அவர்கள் நமக்கு ஓட்டுப் போடப்போவதில்லை” என்று வெளிப்படையாகத் தெரிவித்த அவர், நடுநிலை வாக்காளர்கள் மற்றும் கட்சியின் ஆதரவாளர்களை அணுகுவதில் அதிக கவனம் செலுத்துமாறு கூறினார். மேலும், ஒவ்வொரு வாக்குச் சாவடியிலும் உள்ள வாக்காளர் தரவுகளை (Data) விரல் நுனியில் வைத்திருந்து, திட்டமிட்டுப் பணியாற்றினால் மட்டுமே வெற்றிக் கனியை எட்ட முடியும் என அவர் தொண்டர்களுக்கு ஆலோசனைகளை வழங்கினார்.