தவெக எம்.எல்.ஏ-வுக்கு வலை வீசிய யூடியூபர்: நடுராத்திரியில் நடந்த அதிரடி கைது.. பின்னணியில் இருக்கும் அந்த ‘பெரிய கை’…. அலறும் அரசியல் வட்டாரம்….!

தமிழக வெற்றிக் கழகத்தின் சட்டமன்ற உறுப்பினரை மாற்றுப் கட்சிக்கு இழுக்க பேரம் பேசி மிரட்டிய புகாரில், பிரபல யூடியூபரான ஐபிடிஎஸ் திருநாவுக்கரசு சென்னை காவல்துறையினரால் அதிரடியாகக் கைது செய்யப்பட்டுள்ளார். ஊத்தங்கரை தனித் தொகுதியின் தவெக எம்.எல்.ஏ இளையராஜா சென்னை காவல் ஆணையர் அலுவலகத்தில் அளித்த அதிகாரப்பூர்வ புகாரின் அடிப்படையில் இந்த அதிரடி நடவடிக்கை எடுக்கப்பட்டுள்ளது. இந்தச் சம்பவம் தமிழக அரசியல் வட்டாரத்தில் தற்பொழுது பெரும் பரபரப்பையும் அதிர்வலைகளையும் ஏற்படுத்தியிருக்கிறது.

எம்.எல்.ஏ இளையராஜா தனது புகாரில், திருநாவுக்கரசு தன்னைத் தொடர்ந்து தொலைபேசி வாயிலாகவும், நேரடியாகச் சந்தித்தும் மாற்று அரசியல் கட்சியில் இணையுமாறு வற்புறுத்தியதாகக் குறிப்பிட்டுள்ளார். அதற்காகப் பெரும் தொகையை அவர் பேரம் பேசியதாகவும், அதற்குத் தான் உடன்பட மறுத்தபோது தனக்குக் கொலை மிரட்டல் விடுத்ததாகவும் அதிர்ச்சியூட்டும் தகவல்களைப் பகிர்ந்துள்ளார். புகாரின் தீவிரத்தன்மையை உணர்ந்த சென்னை திருவல்லிக்கேணி போலீசார், அரும்பாக்கம் பகுதியில் தலைமறைவாக இருந்த திருநாவுக்கரசைக் கைது செய்து ரகசிய இடத்தில் வைத்து தீவிர விசாரணை நடத்தி வருகின்றனர்.

தேர்தல் நேரங்களில் மக்கள் பிரதிநிதிகளைப் பண பலத்தால் விலைபேசி வாங்கும் சில பாரம்பரியக் கட்சிகளின் ‘குதிரை பேரம்’ மற்றும் இரட்டை வேட அரசியலை இச்சம்பவம் முழுமையாகத் தோலுரித்துக் காட்டியுள்ளது. எனினும், கொள்கை பலத்தோடு மக்கள் மத்தியில் மாஸாக வளர்ந்து வரும் தவெக-வின் மக்கள் பிரதிநிதிகளைப் பணத்தாலோ அல்லது மிரட்டலாலோ அவ்வளவு எளிதில் விலைக்கு வாங்கிவிட முடியாது என்பதை இந்தக் கைது நடவடிக்கை வெளிச்சமிட்டுக் காட்டியுள்ளது. இந்தச் சதியின் பின்னணியில் இயங்கி வரும் முக்கிய அரசியல் தலைவர்கள் யார் என்பது குறித்தும் போலீசார் தற்பொழுது தங்களது விசாரணையை முடுக்கிவிட்டுள்ளனர்.