நகைக்காக இப்படியா… வீட்டில் தனியாக இருந்த பெண்ணுக்கு நேர்ந்த கதி… கத்தரிக்கோலால் குத்தி படுகொலை… ரத்த வெள்ளத்தில் கிடந்த பெண்… குலை நடுங்க வைக்கும் சம்பவம்…!

புதுச்சேரி கருவடிக்குப்பம் கெங்கையம்மன் கோவில் வீதியில் உள்ள அடுக்குமாடி குடியிருப்பில் டிபன் கடை நடத்தி வரும் மணியின் மனைவி ரமணி 42, கடந்த ஜூலை 24 அன்று பட்டப்பகலில் மர்மமான முறையில் படுகொலை செய்யப்பட்டார். காலை வியாபாரத்தை முடித்துவிட்டு வீட்டிற்குச் சென்ற அவர், பிற்பகலில் ரத்த வெள்ளத்தில் கழுத்து மற்றும் தலையில் கத்தரிக்கோலால் குத்தப்பட்ட நிலையில் சமையலறையின் பின்புறப் பகுதியில் இறந்து கிடந்தார். வீட்டிற்கு வந்து இதைக் கண்டு அதிர்ச்சியடைந்த கணவர் மணி உடனடியாக லாஸ்பேட்டை காவல்துறைக்குத் தகவல் தெரிவித்தார். சம்பவ இடத்திற்கு விரைந்த காவல்துறையினர் உடலைக் கைப்பற்றி பிரேத பரிசோதனைக்காக புதுச்சேரி அரசு மருத்துவமனைக்கு அனுப்பி வைத்தனர்.

முதற்கட்ட விசாரணையில் ரமணி அணிந்திருந்த 6 பவுன் தங்க நகைகள் காணாமல் போயிருந்தாலும், பீரோ உடைக்கப்படாததால் இது நகைக்காக நடந்த கொலையா அல்லது திட்டமிட்ட கொலையை திசைதிருப்பும் முயற்சியா என்ற கோணத்தில் தடயவியல் நிபுணர்களின் உதவியுடன் காவல்துறையினர் தீவிர விசாரணை நடத்தி வருகின்றனர். குடியிருப்புப் பகுதியில் பட்டப்பகலில் அரங்கேறியுள்ள இந்த கொடூர சம்பவம் அப்பகுதி மக்களிடையே பெரும் அதிர்ச்சியையும் அச்சத்தையும் ஏற்படுத்தியுள்ளது.