தருமபுரியில் உள்ள தனியார் திருமண மண்டபத்தில் நடைபெற்ற மாற்றுக்கட்சியினர் அதிமுகவில் இணையும் விழாவில் அதிமுக பொதுச்செயலாளர் எடப்பாடி பழனிசாமி சிறப்பு அழைப்பாளராகக் கலந்து கொண்டார். இந்நிகழ்ச்சியில் அம்மா மக்கள் முன்னேற்றக் கழகம் உள்ளிட்ட பல்வேறு மாற்றுக்கட்சிகளைச் சேர்ந்த சுமார் 3,800 பேர் எடப்பாடி பழனிசாமி முன்னிலையில் அதிமுகவில் தங்களை இணைத்துக் கொண்டனர். புதிதாகக் கட்சியில் இணைந்தவர்களுக்கு அதிமுக கட்சித் துண்டுகளை அணிவித்து வரவேற்ற அவர், அதிமுக என்றும் மக்களின் நலனில் மட்டுமே அக்கறை கொண்டு செயல்படும் இயக்கம் என்று பெருமிதத்துடன் குறிப்பிட்டார்.
விழாவில் உரையாற்றிய எடப்பாடி பழனிசாமி, தற்போதைய தமிழக வெற்றிக் கழகத்தின் ஆட்சியை மிகக் கடுமையாக விமர்சித்தார். “தவெக ஆட்சி என்பது ஒரு விபத்தில் வந்த ஆட்சி. அந்தக் கட்சிக்கு என்று எந்தவொரு தெளிவான கொள்கையும் கிடையாது; இந்த ஆட்சி அதிகாரத்திற்கு வரும் என்று யாருமே எதிர்பார்க்கவில்லை. தவெக அரசு முழுமையாக தனது ஐந்து ஆண்டு கால ஆட்சியை நிறைவு செய்யாது” என்று அவர் ஆணித்தரமாகக் கூறினார். மேலும், தவெக ஆட்சியில் மக்களுக்கு எந்தவித நன்மையும், நல்லதும் நடக்கப்போவதில்லை என்றும் அவர் குற்றம் சாட்டினார்.
மாநிலத்தின் கடன் சுமை குறித்துப் பேசிய அவர், தமிழகம் ஏற்கனவே 10 லட்சம் கோடி ரூபாய் கடன் சுமையில் உள்ள நிலையில், தவெக அரசு பொறுப்பேற்ற 120 நாட்களிலேயே 28 ஆயிரம் கோடி ரூபாய் கடன் வாங்கியுள்ளதைச் சுட்டிக்காட்டினார். இதே நிலை தொடர்ந்தால், ஐந்து ஆண்டுகள் முடிவில் மாநிலத்தின் கடன் சுமை 20 லட்சம் கோடி ரூபாயாக அதிகரிக்கும் என்றும், இந்த அநியாயக் கடனுக்கான சுமையை இறுதியில் பொதுமக்கள் தான் சுமக்க வேண்டியிருக்கும் என்றும் எச்சரித்தார்.
கடந்த அதிமுக ஆட்சிக் காலத்தில் கடும் நிதிப் பற்றாக்குறை மற்றும் கொரோனா பெருந்தொற்று சவால்களுக்கு மத்தியிலும் விலைவாசி உயர்வைக் கட்டுப்படுத்தி நல்லாட்சி வழங்கியதை நினைவு கூர்ந்தார். விவசாயிகளின் நலனைக் கருத்தில் கொண்டு இரண்டு முறை சுமார் 18,000 கோடி ரூபாய் விவசாயக் கடன்கள் தள்ளுபடி செய்யப்பட்டதையும், விவசாயத்திற்கு 24 மணி நேரமும் இலவச மின்சாரம் வழங்கியதையும் அவர் சுட்டிக்காட்டினார். ஆட்சியில் இருந்தாலும் இல்லாவிட்டாலும் மக்களுக்காக என்றும் குரல் கொடுக்கும் ஒரே வலிமையான இயக்கம் அதிமுக மட்டுமே என்று கூறி தனது உரையை நிறைவு செய்தார்.
டேராடூனின் படேல் நகரில் நிகழ்ந்த துணிகரக் கொள்ளை சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. மக்கள் நடமாட்டம் அதிகம் உள்ள…
மனைவியைப் பிரிந்து வாழ்ந்துவந்த ஆட்டோ ஓட்டுநரான ரமேஷ், பாபு என்பவரின் மகளோடு நட்பு பாராட்டி வந்துள்ளார். இந்தத் தொடர்பை பாபு…
சம்பல் மாவட்டம் பஹ்ஜோய் காவல் எல்லைக்குட்பட்ட பகுதியில், கூடுதல் வரதட்சணையாக மோட்டார் சைக்கிளும் தங்கச் சங்கிலியும் தராத காரணத்தால் ராதா…
வீட்டில் பரிசோதித்த கர்ப்பப் பரிசோதனை முடிவும் வயிறு பெரிதானதும் ஒரு தாய்க்குத் தன் பதின்ம வயது மகள் மீது தவறான…
மத்தியப் பிரதேசத்தின் ராய்சென் மாவட்டம், தேவரி வட்டாரத்தில் அமைந்துள்ள படாய் கிராமத்து நர்மதை ஆற்றங்கரையில், விளையாடிக்கொண்டிருந்த சிறுவர்கள் மண்ணைத் தோண்டியபோது…
பீகார் மாநிலம் பாட்னா அருகிலுள்ள பார் பகுதியில் தீபாவளி பண்டிகையன்று இரவு அதிர்ச்சிகரமான குற்றச்சம்பவம் ஒன்று நிகழ்ந்துள்ளது. வெகுநேரமாகியும் வீடு…