வீடு, வாகனம், தனி நபர் கடன்களுக்கான வட்டி விகிதம் குறைய வாய்ப்புள்ளது. செப்டம்பரில் 1.54% ஆக இருந்த நாட்டின் சில்லறை பண வீக்கம், அக்டோபரில் 0.25% ஆக குறைந்திருக்கிறது. இதனால், ரெப்போ வட்டி விகிதத்தை ரிசர்வ் வங்கி குறைக்க வாய்ப்புள்ளதாக பொருளாதார நிபுணர்கள் தெரிவிக்கின்றனர். ரெப்போ வட்டி விகிதம் குறைந்தால், கடன்களுக்கான MCLR புள்ளிகளை வங்கிகள் குறைக்கும். இதனால், உங்களின் EMI குறையும்.
MCLR என்பது வங்கிகள் வீட்டுக் கடன், தனிநபர் கடன், வாகனக் கடன் போன்றவற்றின் வட்டி விகிதங்களைத் தீர்மானிக்கப் பயன்படுத்தும் ஒரு முக்கியமான அளவுகோலாகும். MCLR குறைவது, கடன்களின் EMI-களை குறைக்கவோ அல்லது கடன் கால அளவை சுருக்கவோ உதவும். இதனால் கடன் வாங்குபவர்களுக்கு நீண்ட கால அடிப்படையில் பலன்கள் கிடைக்கும்.