சார்ஜ் போட்டபோது நேர்ந்த விபரீதம்… மின்சார கார் வெடித்து ஒரு கும்பமே பலி… பெரும் சோகம் ..!!

மத்தியப் பிரதேச மாநிலம் இந்தூரில் சார்ஜ் செய்துகொண்டிருந்த மின்சார கார் வெடித்ததில் ஒரே குடும்பத்தைச் சேர்ந்த 8 பேர் உயிரிழந்தனர். அதிகாலை 3:30 மணியளவில் இந்தூரின் பிரிஜேஸ்வரி அனெக்ஸ் பகுதியில் உள்ள ஒரு மூன்று மாடி குடியிருப்புக்கு வெளியே நிறுத்தப்பட்டிருந்த கார் திடீரென வெடித்துச் சிதறியது.

இந்த வெடிவிபத்தினால் ஏற்பட்ட தீ குடியிருப்புக்கும் பரவியது. வீட்டில் ஒரு நிகழ்ச்சிக்காகச் சேமித்து வைக்கப்பட்டிருந்த சுமார் 10 எரிவாயு சிலிண்டர்கள் அடுத்தடுத்து வெடித்ததால் தீயின் தீவிரம் கட்டுக்கடங்காமல் அதிகரித்தது. இதனால் வீடு முழுவதும் கரும்புகை சூழ்ந்து பெரும் பதற்றத்தை ஏற்படுத்தியது.

வீட்டின் உரிமையாளர் மனோஜ் புகாலியா மற்றும் அவரது குடும்பத்தினர் தீயிலிருந்து தப்பிக்க முயன்றனர். ஆனால், மின்தடை காரணமாக வீட்டின் நவீன மின்னணுப் பூட்டு (Electronic lock) செயலிழந்ததால் கதவுகளைத் திறக்க முடியாமல் அவர்கள் உள்ளேயே சிக்கிக்கொண்டனர். இறுதியில் கரும்புகையை சுவாசித்ததால் மூச்சுத்திணறல் ஏற்பட்டு 8 பேரும் பரிதாபமாக உயிரிழந்தனர்.