மக்களே பயப்படாதீங்க..! முட்டையால் கேன்சர் ஆபத்து..? தமிழக மக்களுக்கு முக்கிய அறிவிப்பு…!!!

கர்நாடகாவில் சில தனியார் நிறுவன முட்டைகளில் புற்றுநோயை உண்டாக்கும் வேதிப்பொருட்கள் இருப்பதாகப் பரவி வரும் செய்திகள் பரபரப்பை ஏற்படுத்தியுள்ளது. கர்நாடகாவில் எழுந்துள்ள இந்தப் பிரச்சனை தமிழகத்தில் இல்லை என அதிகாரிகள் உறுதிப்படுத்தியுள்ளனர். தமிழகத்தின் முட்டை உற்பத்தி மையமான நாமக்கல் பகுதிகளில் இருந்து வரும் முட்டைகள் தொடர்ந்து கண்காணிக்கப்படுகின்றன.  முட்டை விவகாரம் தேசிய அளவில் விவாதிக்கப்படுவதால், அனைத்து மாநிலங்களிலும் முட்டை மாதிரிகளைச் சோதனை செய்ய இந்திய உணவுப் பாதுகாப்பு மற்றும் தர நிர்ணய ஆணையம்  உத்தரவிட்டுள்ளது. 

நைட்ரோ பியூரான் போன்ற வேதிப்பொருட்கள் கோழிகளுக்கு நோய்த்தொற்று வராமல் இருக்கவும், முட்டை உற்பத்தியை அதிகரிக்கவும் பயன்படுத்தப்படுகின்றன. இவை மனித உடலில் நீண்ட காலம் சேரும்போது புற்றுநோய் உள்ளிட்ட பாதிப்புகளை ஏற்படுத்தலாம்.  ஒரு சில முட்டைகளைச் சாப்பிடுவதால் உடனடி புற்றுநோய் பாதிப்பு ஏற்படாது என்றும், இது குறித்த ஆய்வுகள் இன்னும் முழுமையாக உறுதிப்படுத்தப்படவில்லை என்றும் மருத்துவர்கள் கூறுகின்றனர்.  நன்கு சமைக்கப்பட்ட அல்லது வேகவைக்கப்பட்ட முட்டைகளைச் சாப்பிடுவது பாதுகாப்பானது. சமூக வலைதளங்களில் வரும் ஆதாரமற்ற தகவல்களை நம்பி அச்சப்படத் தேவையில்லை. அதிகாரப்பூர்வமான ஆய்வக முடிவுகள் வரும் வரை காத்திருப்பது நல்லது.