தமிழக சட்டசபைத் தேர்தல் ஏப்ரல் 23-ஆம் தேதி நடைபெற உள்ள நிலையில், அரசியல் கட்சிகளின் பிரச்சாரம் அனல் பறந்து வருகிறது. இந்தச் சூழலில், அதிமுக பொதுச்செயலாளர் எடப்பாடி பழனிசாமியின் சமீபத்திய பேச்சுகள் பெரும் சர்ச்சையை கிளப்பியுள்ளன. உதயநிதி ஸ்டாலின் குறித்து ‘பால்டாயில்’ விவகாரத்தைப் பேசியது மற்றும் ஓ.பன்னீர்செல்வத்தை விமர்சித்தது எனத் தொடர்ந்த அவர், தற்போது “முதல்வர் ஸ்டாலின் கொரோனாவிலேயே போயிருப்பார்” எனக் குறிப்பிட்டது அரசியல் வட்டாரத்தில் அதிர்ச்சியை ஏற்படுத்தியுள்ளது. இத்தகைய தரம் தாழ்ந்த விமர்சனங்கள் அதிமுக தொண்டர்கள் மத்தியிலேயே அதிருப்தியை உருவாக்கியுள்ளதாகக் கூறப்படுகிறது.
எடப்பாடி பழனிசாமியின் இந்தப் பேச்சுக்கு திமுக தரப்பில் கடும் கண்டனங்கள் எழுந்துள்ளன. சென்னை அண்ணா அறிவாலயத்தில் செய்தியாளர்களைச் சந்தித்த திமுக ஆர்.எஸ்.பாரதி, எடப்பாடி பழனிசாமியை மிகக் கடுமையாகச் சாடினார். முதல்வர் ஸ்டாலின் தனது உயிருக்கு அஞ்சாமல் கொரோனா வார்டுகளுக்கே நேரடியாகச் சென்று மக்களைக் காத்தவர் என்றும், அப்படிப்பட்ட தலைவரைப் பற்றிப் பேச எடப்பாடிக்குத் தகுதியில்லை என்றும் அவர் குறிப்பிட்டார். எடப்பாடி பழனிசாமியின் பேச்சு அவரது “வாய் கொழுப்பைக்” காட்டுகிறது என அவர் சாடினார்.
மேலும், எடப்பாடி பழனிசாமியின் கடந்த கால வழக்குகளை ஆர்.எஸ்.பாரதி சுட்டிக்காட்டினார். 1979-ஆம் ஆண்டு தனது பங்காளிகள் மூன்று பேரை கொலை செய்த வழக்கில் எடப்பாடி பழனிசாமி சம்பந்தப்பட்டிருந்ததாகவும், அன்று அதிமுக ஆட்சியில் இருந்ததால் அவர் தப்பித்ததாகவும் பாரதி குற்றம் சாட்டினார். எடப்பாடி பழனிசாமிக்குக் கொலை, கொள்ளை போன்ற குற்றங்கள் புதிதல்ல என்றும், அவருக்குள் இன்னும் அந்த “கொலைவெறி” அடங்கவில்லை என்றும் அவர் காரசாரமாகப் பேசினார்.
இறுதியாக, சாத்தான்குளம் கொலை வழக்கில் குற்றவாளிகளுக்குத் தூக்கு தண்டனை விதிக்கப்பட்டிருப்பதைச் சுட்டிக்காட்டிய ஆர்.எஸ்.பாரதி, கொடநாடு கொலை மற்றும் கொள்ளை வழக்குகளையும் நினைவூட்டினார். ஜெயலலிதா வாழ்ந்த கொடநாடு பங்களாவில் நடந்த குற்றங்களுக்கு எடப்பாடி பழனிசாமி ஆட்சியே காரணம் என விமர்சித்த அவர், சாத்தான்குளம் வழக்கைப் போலவே கொடநாடு கொலை வழக்குகளிலும் எடப்பாடி பழனிசாமி உள்ளிட்ட குற்றவாளிகளுக்கு உரிய தண்டனை விரைவில் கிடைக்கும் என்று எச்சரித்தார்.
ரிஷிகேஷில் உள்ள சுதாமா மார்க்கில் அமைந்திருக்கும் GMOU வளாகத்தின் இரும்புச் சந்தையில், கட்டடத்தின் ஒரு பகுதியின் கைப்பிடிச் சுவர் திடீரென…
திருச்சி தில்லை நகரில் உள்ள திமுக முன்னாள் அமைச்சர் கே.என்.நேருவின் இல்லத்தில் லஞ்ச ஒழிப்புத் துறை அதிகாரிகள் நடத்திய சோதனை…
அம்பாசமுத்திரம் தொகுதி இடைத்தேர்தலில் நாம் தமிழர் கட்சி தலைவர் சீமான் போட்டியிடுவதாக அறிவித்துள்ளார். அப்போது, திமுக அல்லது அதிமுகவின் சார்பில்…
தமிழக அரசியலில் தவெகவின் தொடர்ச்சியான தேர்தல் வெற்றிகள் ஆளுங்கட்சியின் செல்வாக்கை உயர்த்தி வரும் நிலையில், வரவிருக்கும் அம்பாசமுத்திரம் தொகுதி இடைத்தேர்தல்…
பாரத் லஜ்னா மல்டி-ஸ்டேட் ஹவுசிங் கோ-ஆபரேட்டிவ் சொசைட்டியின் (BLM) நிறுவனத் தலைவரும், பிரபல தனியார் தமிழ் செய்தி சேனலின் இயக்குநருமான…
மும்பையின் காட்கோபர் ரயில் நிலையம் அருகே உள்ள நடைமேம்பாலத்தில் கடந்த அக்டோபர் 25ஆம் தேதி அன்று நடந்த ஒரு கொடூரச்…