திமுகவுக்கு இதுவே கடைசி தேர்தல்… EPS கொடுத்த மாஸ் பிராமிஸ்… ஏவல்துறையாக மாறிய காவல்துறை… மேடையிலேயே எடப்பாடி பழனிசாமி சரமாரி அட்டாக்..!!

சேலத்தில் நடைபெற்ற 2026 சட்டமன்றத் தேர்தல் பரப்புரையில் பேசிய அதிமுக பொதுச்செயலாளர் எடப்பாடி பழனிசாமி, திமுக அரசுக்கு இதுவே கடைசித் தேர்தல் என்று காட்டமாக விமர்சித்தார். தமிழகத்தில் தற்போது கஞ்சா உள்ளிட்ட போதைப்பொருட்களின் புழக்கம் முன்னெப்போதும் இல்லாத வகையில் அதிகரித்துள்ளதாகவும், திரவம், ஊசி, சாக்லேட் எனப் பல்வேறு வடிவங்களில் இவை இளைஞர்களைச் சீரழித்து வருவதாகவும் அவர் குற்றம் சாட்டினார்.

மேலும் அதிமுக மீண்டும் ஆட்சிக்கு வந்த மூன்றே மாதங்களில் தமிழகத்தில் கஞ்சா விற்பனை முழுமையாக ஒழிக்கப்பட்டு, சட்டத்தின் ஆட்சி நிலைநாட்டப்படும் என அவர் உறுதி அளித்தார். மேலும், தனது உரையில் வாரிசு அரசியலுக்கு முற்றுப்புள்ளி வைக்க வேண்டும் என்று மக்களிடம் கேட்டுக்கொண்ட அவர், திமுக ஆட்சியில் காவல்துறை சுதந்திரமாகச் செயல்பட முடியாமல் ஏவல்துறையாக மாறியுள்ளதாக வருத்தம் தெரிவித்தார்.

இதனால் கடந்த அதிமுக ஆட்சிக்காலத்தில் கொரோனா பேரிடர் மற்றும் இயற்கைச் சீற்றங்களின் போது வழங்கப்பட்ட நிவாரண உதவிகளையும், ரேஷன் பொருட்கள் மற்றும் ஊக்கத்தொகை வழங்கப்பட்டதையும் அவர் சுட்டிக்காட்டினார். அதிமுக தனது கூட்டணிக் கட்சிகளை மதித்து நடத்தும் ஒரு ராணுவக் கட்டுக்கோப்புள்ள இயக்கம் என்றும், வரும் தேர்தலில் மக்கள் மாற்றத்தை ஏற்படுத்த வேண்டும் என்றும் அவர் தனது பரப்புரையில் வலியுறுத்தினார்.