“திமுகவுக்கு செக் வைத்த இபிஎஸ்”… அதிவேகத்தில் அதிமுக… போட்ட ஸ்கெட்சை பக்காவாக முடித்த எடப்பாடி…. அதிர்ச்சியில் அறிவாலயம்….!

திமுக கூட்டணியைப் பொறுத்தவரை, சுமார் 20-க்கும் மேற்பட்ட கட்சிகள் அணிவகுத்து நின்றாலும், தொகுதிப் பங்கீடு மற்றும் இடத்தேர்வில் இன்னும் முழுமையான தெளிவு கிடைக்கவில்லை. குறிப்பாக காங்கிரஸ் மற்றும் விடுதலைச் சிறுத்தைகள் போன்ற கட்சிகள் கடும் பேச்சுவார்த்தைக்குப் பிறகே இடங்களைப் பெற்றுள்ளன. தமிழக வாழ்வுரிமைக் கட்சி கூட்டணியை விட்டு வெளியேறியதும், விஜய் தலைமையிலான தமிழக வெற்றிக் கழகத்தின் வருகையால் காங்கிரசுக்குக் கூடுதல் இடங்கள் ஒதுக்கப்பட்டதும் திமுகவுக்குப் பெரும் நெருக்கடியை ஏற்படுத்தியுள்ளது. தங்களுக்குச் சாதகமான தொகுதிகளைக் கூட்டணிக் கட்சிகள் கேட்பதால், வேட்பாளர் தேர்வில் திமுக இன்னும் நிதானம் காட்டி வருகிறது.

மறுபுறம், அதிமுக முகாமில் பாஜகவுக்கு 27, பாமகவுக்கு 17 என இடங்கள் ஒதுக்கப்பட்டு, எந்தெந்தத் தொகுதிகளில் யார் போட்டி என்பதும் இறுதி செய்யப்பட்டுவிட்டது. பாஜக மற்றும் மாநிலக் கட்சிகளை அரவணைத்துச் செல்வதில் இபிஎஸ் காட்டிய வேகம், அக்கட்சித் தொண்டர்களிடையே உற்சாகத்தை ஏற்படுத்தியுள்ளது. தனித்துப் போட்டியிடும் நாம் தமிழர் கட்சியின் சீமான் ஏற்கனவே வேட்பாளர்களை அறிவித்துப் பிரச்சாரத்தைத் தொடங்கிவிட்ட நிலையில், தமிழக வெற்றிக் கழகத்தின் தலைவர் விஜய் தனது வேட்பாளர் பட்டியலை நாளை அறிவிக்க உள்ளார். இதனால் தேர்தல் களம் வரும் நாட்களில் இன்னும் சூடுபிடிக்கப் போவது உறுதி.

வாக்குப்பதிவுக்கு இன்னும் ஒரு மாதமே உள்ள நிலையில், ஏப்ரல் ஆறாம் தேதியுடன் வேட்பு மனு தாக்கல் முடிவடைகிறது. அதற்குள் கூட்டணி கட்சிகளுக்கான தொகுதிகளை இறுதி செய்து, வலுவான வேட்பாளர்களைக் களமிறக்க வேண்டிய கட்டாயத்தில் திமுக தலைமை உள்ளது. எடப்பாடி பழனிசாமி ஏற்கனவே இரண்டாம் கட்ட வேட்பாளர் பட்டியலுக்குத் தயாராகிவிட்ட நிலையில், ஆளும் தரப்பு தனது தேர்தல் வியூகங்களை விரைந்து செயல்படுத்தினால் மட்டுமே இந்த ஐந்து முனைப் போட்டியில் தனது பலத்தை நிலைநாட்ட முடியும் என்ற சூழல் உருவாகியுள்ளது.