திருச்சியில் நடைபெற்ற அதிமுக புறநகர் கிழக்கு மாவட்ட செயலாளர் சிவக்குமார் இல்லத் திருமண விழாவில் கலந்து கொண்டு மணமக்களை வாழ்த்திய அதிமுக பொதுச்செயலாளர் எடப்பாடி பழனிசாமி, அதன்பின் செய்தியாளர்களைச் சந்தித்துப் பேசினார். அப்போது, தாராபுரம் மற்றும் மதுராந்தகம் தொகுதிகளில் த.வெ.க நடத்திய குதிரை பேரமே தற்போதைய இடைத்தேர்தலுக்குக் காரணம் என்று பகிரங்கமாகக் குற்றம்சாட்டினார். சட்டசபைத் தேர்தலில் அதிமுக சார்பில் வெற்றி பெற்ற எம்.எல்.ஏக்களை ராஜினாமா செய்ய வைத்து, அவர்களையே மீண்டும் த.வெ.க வேட்பாளர்களாக அறிவித்துள்ளதாகச் சுட்டிக்காட்டிய அவர், வரவிருக்கும் இடைத்தேர்தலில் மக்கள் நிச்சயம் அவர்களைத் தோற்கடித்து அதிமுகவை வெற்றி பெறச் செய்வார்கள் என்று நம்பிக்கை தெரிவித்தார்.
தமிழக அரசின் நிதி நிலைமை மற்றும் திட்டங்கள் குறித்து விமர்சித்த எடப்பாடி பழனிசாமி, மாநிலத்தில் 10 லட்சம் கோடி ரூபாய் கடன் இருக்கும் போது புதிய தலைமைச் செயலகம் கட்டுவதற்கான அறிவிப்பை வெளியிட்டதை ஏற்றுக்கொள்ள முடியாது என்றார். போக்குவரத்து நெரிசலும் குடியிருப்புகளும் நிறைந்த பொருத்தமில்லாத இடத்தில் அவசர அவசரமாக இந்த அறிவிப்பு வெளியிடப்பட்டுள்ளதாகக் கூறிய அவர், நிதி நிலைமை சீரடைந்த பிறகு சரியான இடத்தை தேர்வு செய்து கட்ட வேண்டும் வலியுறுத்தினார். மேலும், சட்டம் ஒழுங்கு சீரழிந்து விட்டதாகச் சட்டமன்றத்தில் கேள்வி எழுப்பிய போது, “நான் பதிலளிக்கும் போது யாரும் ஓடிவிடக் கூடாது” என்று கூறிவிட்டு முதல்வரே ஓடிவிட்டதாகக் காட்டமாக விமர்சித்தார்.
வெளிநாட்டுப் பயணம் மற்றும் மின்வெட்டு போன்ற விவகாரங்களிலும் தமிழக அரசைக் கடுமையாகச் சாடிய பழனிசாமி, தொழில் முதலீடுகளை ஈர்ப்பதற்காக வெளிநாடு சென்றதாகக் கூறப்பட்ட முதலமைச்சரின் அதிகாரப்பூர்வ புகைப்படங்கள் எதுவும் வராமல் வேறு புகைப்படங்களே வெளிவந்துள்ளதைச் சுட்டிக்காட்டினார். தற்போதைய ஆட்சி மக்களுக்குத் துன்பத்தையே தரும் ஒரு மோசமான ஆட்சியாக உள்ளது என்றும், மக்கள் நலத் திட்டங்கள் எதுவும் சரியாகச் செயல்படுத்தப்படவில்லை என்றும் அவர் குற்றம்சாட்டினார்.
இறுதியாக, மதுராந்தகம் மற்றும் தாராபுரம் இடைத்தேர்தல்களில் திருமங்கலம் ஃபார்முலாவை திமுக பின்பற்றக் கூடாது என்று அமைச்சர் நிர்மல்குமார் பேசியது குறித்து செய்தியாளர்கள் எழுப்பிய கேள்விக்கு, “அவர் அந்த ஃபார்முலாவை முதலில் பின்பற்றாமல் இருக்கட்டும்” என்று எடப்பாடி பழனிசாமி சாமர்த்தியமாகப் பதிலடி கொடுத்தார். திமுகவை எதிர்த்து அரசியல் செய்து வரும் நிலையில், அமைச்சர் நிர்மல்குமாரின் கருத்துக்கே எடப்பாடி பழனிசாமி திருப்பி விமர்சனம் வைத்தது திமுக வட்டாரத்திலேயே பெரும் ஆச்சரியத்தையும் விவாதத்தையும் ஏற்படுத்தியுள்ளது.
சாலையோரத்தில் இருந்து எந்தவித முன்னறிவிப்பும் இன்றி, பின்னால் வரும் வாகனங்களை உற்றுநோக்காமல் திடீரென வாகனங்களை இயக்குவது சாலைகளில் அன்றாடம் அரங்கேறும்…
பெங்களூருவைச் சேர்ந்த தொழிலதிபரான ஆனந்தராஜ், தனது 22 வயது ஊழியர் கிரண் மற்றும் அவரது 19 வயது மகளைத் தனது…
கர்நாடகாவில் நடந்த ஒரு அதிர்ச்சி சம்பவத்தில், மாப்பிள்ளை ஒருவர் தனது மாமியாரைத் தொலைபேசியில் அழைத்து, "நான் உங்கள் மகளைக் கொன்றேன்"…
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…