இந்தியாவில் உள்ள ஒவ்வொரு குடிமகனுக்கும் ஆதார் கார்டு என்பதை மிக முக்கியமான அடையாள ஆவணமாக உள்ளது. இன்னும் சொல்லப்போனால் ஆதார் கார்டு இல்லாமல் இன்று எதுவுமே இல்லை என்ற சூழல் உருவாகிவிட்டது. வங்கி கணக்கு தொடங்கி அனைத்திற்கும் ஆதார் கார்டு என்பது இன்றியமையாத ஆவணமாக உள்ளதால் ஆதார் கார்டில் உள்ள விவரங்களை எப்போதுமே நாம் அப்டேட் ஆக வைத்திருக்க வேண்டும். பெரும்பாலும் ஆதார் கார்டில் ஏதாவது அப்டேட் செய்வதற்கு நாம் இ-சேவை மையங்களை நாடுகிறோம். சில மாற்றங்களுக்கு ஆதார் சேவை மையத்திற்கு சென்று அதன் மூலம் திருத்தம் செய்கிறோம்.
இந்த வசதியை மேலும் எளிமைப்படுத்தும் வகையில் இனி செயலியை அறிமுகம் செய்ய UIDAI முடிவு செய்துள்ளது. அதாவது E Adhar என்ற மொபைல் செயலி விரைவில் அறிமுகம் செய்யப்பட உள்ளது. இந்த செயலி மூலமாக ஆதார் விவரங்களை செல்போன் மூலமே அப்டேட் செய்து கொள்ள முடியும். இ சேவை மையங்களுக்கு நேரடியாக செல்லாமல் பெயர் மற்றும், முகவரி, பிறந்த தேதி உள்ளிட்ட விவரங்களை மாற்றும் வகையில் இந்த சேவை இருக்கும் என்று தெரிவிக்கப்பட்டுள்ளது.