தமிழக அரசியல் களம் இடைத்தேர்தலை நோக்கி சூடுபிடித்துள்ள நிலையில், திருச்சி மதிமுக மாவட்டச் செயலாளர் ஆற்றிய உரை பெரும் விவாதத்தைக் கிளப்பியுள்ளது. திருச்சியில் நடைபெற்ற பொதுக்கூட்டத்தில் பேசிய அவர், “திருச்சி நாடாளுமன்ற உறுப்பினராகக் கடந்த இரண்டாண்டுகளாக துரை வைகோ சிறப்பாக மக்கள் பணியாற்றி வருகிறார். நாளைய தேர்தலில் முதல்வர் விஜய் தலைமையிலான அமைச்சரவையில் துரை வைகோ இடம்பெற வேண்டும்; அதுவே மதிமுகவிற்கு அவர் அளிக்கும் உண்மையான கௌரவமாக இருக்கும்” என்று உருக்கமாகப் பேசினார். இந்த எதிர்பாராத பேச்சு அங்கிருந்த தொண்டர்கள் மத்தியிலும், சமூக வலைதளங்களிலும் உடனே கவனம் பெற்று வைரலானது.
மாவட்டச் செயலாளரின் இந்த அதிரடிப் பேச்சுக்கு மேடையிலேயே நகைச்சுவையாகவும் முதிர்ச்சியோடும் பதிலளித்தார் மதிமுக முதன்மைச் செயலாளர் துரை வைகோ. அவர் பேசுகையில், “இப்படிப் பேசுவதைப் பார்த்து நான்தான் இவருக்குச் சொல்லிக்கொடுத்துப் பேசச் சொன்னேன் என எல்லாரும் நினைத்துக் கொள்வார்கள். ஒரு எம்.பி-யாக மக்களுக்கு ஆற்ற வேண்டிய கடமைகள் இன்னும் நிறைய இருக்கின்றன” எனக் கூறி அந்த விவாதத்திற்கு இயல்பாக முற்றுப்புள்ளி வைத்தார். இருப்பினும், தேர்தல் நெருங்கும் வேளையில் கூட்டணி மற்றும் எதிர்கால அமைச்சரவை குறித்து தொண்டர்கள் மத்தியில் எழுந்துள்ள எதிர்பார்ப்பை இந்த நிகழ்வு வெளிச்சம்போட்டுக் காட்டியுள்ளது.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…