தமிழகத்தில் இன்னும் ஐந்து மாதங்களில் சட்டமன்றத் தேர்தல் நடைபெற உள்ள நிலையில் தற்போது தேர்தல் களம் சூடுபிடிக்க தொடங்கிவிட்டது. குறிப்பாக ஆளும் கட்சியான திமுக எந்த முறையும் ஆட்சியை கைப்பற்ற வேண்டும் என்ற முனைப்பில் தீவிரம் காட்டி வருகிறது. மறுபக்கம் பாஜகவுடன் கூட்டணி வைத்துள்ள அதிமுக விஜயை எப்படியாவது தங்கள் கூட்டணியில் இணைத்து விட வேண்டும் என்பதில் உறுதியாக உள்ளது. அதனால் 2026 தேர்தல் களம் பரபரப்பாகவே பார்க்கப்படுகிறது.
இந்நிலையில் தமிழகத்தை ஆண்ட கட்சியும் ஆளும் கட்சியும் பீகாரை பார்த்து பாடம் கற்க வேண்டும் என்று கிருஷ்ணசாமி தெரிவித்துள்ளார். கூட்டணி ஆட்சியும் பூரண மதுவிலக்கும் தான் 2026 தேர்தலில் முக்கியமானதாக இருக்கும். ஒரு கட்சி ஆட்சி முறைக்கி முடிவு கட்டினால் தான் விடிவு காலம் பிறக்கும். கூட்டணி ஆட்சி, மதுவிலக்கு என வெளிப்படையாக அறிவிக்கும் கட்சியுடன் தான் புதிய தமிழகம் கூட்டணி அமைக்கும் என்றும் அவர் தெரிவித்துள்ளார். இவருடைய இந்த பேச்சு புதிய பரபரப்பை கிளப்பியுள்ளது.