சொந்த வீடு அமைய வேண்டும் என்று ஆசையா…? இந்த எளிய பரிகாரங்களை கடைபிடியுங்க…

சொந்த வீடு வாங்க வேண்டும் என்ற கனவு பலருக்கு இருக்கிறது. இன்றைய விலைவாசி உயர்வில் வாங்குகிற சம்பளத்தில் மிச்சம் பிடித்து வீடு வாங்குவது என்பது மிகப்பெரிய கடினமான காரியம்தான். முறையான திட்டமிடல் இருந்தால் அதை சாத்தியமாக்க முடியும். அதையும் தாண்டி நமக்கு நல்ல நேரம் இருக்க வேண்டும். நல்ல நேரம் இருந்தால் எல்லாமே நல்லதாக அமையும். அப்படி நல்ல நேரம் வீடு வாங்குவதற்கு கைகூடவில்லையே தடங்கலாக இருக்கிறதே என்று நினைப்பவர்கள் இந்த எளிய பரிகாரங்களை கடைப்பிடிப்பதன் மூலம் நேரங்கள் கூடி வந்து வீடு வாங்கும் யோகம் அமையும். அதைப் பற்றி இனி காண்போம்.

சொந்த வீடு வாங்க வேண்டும் என்று நினைப்பவர்கள் முதலில் ஒரு அகல் விளக்கை வாங்கிக் கொள்ளுங்கள். அந்த அகல் விளக்கில் விளக்கெண்ணெய் ஊற்றி மகாவிஷ்ணுவை மனதார நினைத்து திருவோண நட்சத்திரம் அன்று வீட்டில் அக்னி மூலையான தென்மேற்கு மூலையில் இந்த விளக்கை ஏற்றி வைக்க வேண்டும். இதை தொடர்ந்து செய்து வந்தால் விரைவில் மாற்றம் ஏற்படும்.

நம் வீட்டில் அக்னி மூலை மிகவும் முக்கியமானது. அக்னி திசை என்பது மண்ணுக்குரிய திசையாகும். இப்படி மண் கேட்டு மூன்று உலகையும் அளந்தவர் மகாவிஷ்ணுவின் அவதாரமான வாமனர். அதனால் அவரை நினைத்து திருவோணம் அன்று விளக்கு ஏற்றி பால் பாயசம் நிவேதனமாக படைத்து வழிபட்டு வந்தாலும் விரைவில் சொந்த வீடு வாங்கும் யோகம் கிடைக்கும்.

அடுத்ததாக உங்களிடம் எந்த விளக்கு இருக்கிறதோ அகல் விளக்கு அல்லது காமாட்சி கஜலட்சுமி விளக்கு ஏதாவது ஒன்றை எடுத்து அதை நன்றாக சுத்தம் செய்து மஞ்சள் குங்குமம் பொட்டு வைத்து வாசனை மிகுந்த மலர்களை சாற்றிவிட்டு அந்த விளக்கிற்குள் ஐந்து ரூபாய் நாணயத்தை போட்டு அதன் மீது நெய் அல்லது எண்ணெய் ஊற்றி தயாராக வைத்துக் கொள்ளுங்கள்.

பின்னர் ஒரு தட்டில் நடுவில் மஞ்சள் குங்குமம் வைத்து அதில் ஒரு ஐந்து ரூபாய் நாணயத்தை வைத்து அதற்கு மேல் ஏற்கனவே தயாராக வைத்திருந்த விளக்கை அதன் மீது வைத்து விளக்கு ஏற்றங்கள். இந்த விளக்கை காலையில் 6:00 மணி முதல் 7:00 மணிக்குள் ஏற்ற வேண்டும். ஐந்து ரூபாய் என்பது குபேரனுக்குரியதாகும். இப்படி இந்த முறையில் விளக்கு ஏற்றும் போது உங்களுக்கு வீடு வாங்கும் யோகம் கிடைத்து விரைவில் சொந்த வீடு கட்டி குடியேறுவீர்கள்.