தமிழகச் சட்டமன்றத் தேர்தல் களத்தில் எதிர்பாராத அரசியல் மாற்றங்கள் நிகழ்ந்து வருகின்றன. அரை நூற்றாண்டு கால அரசியல் அனுபவம் கொண்ட செங்கோட்டையன் தமிழக வெற்றிக் கழகத்தில் இணைந்ததும், ஓ.பி.எஸ் அணியைச் சேர்ந்த மனோஜ் பாண்டியன் மற்றும் வைத்திலிங்கம் போன்றோர் தி.மு.க-வில் இணைந்ததும் அரசியல் வட்டாரத்தில் பெரும் பரபரப்பை ஏற்படுத்தியுள்ளன.
முன்னாள் முதல்வர் ஓ.பன்னீர்செல்வம் தனது ஆதரவாளர்களுடன் முதல்வர் ஸ்டாலின் முன்னிலையில் தி.மு.க-வில் இணைந்தது மிகப்பெரிய அரசியல் திருப்பமாகக் கருதப்படுகிறது. மேலும், சேலம் மாவட்டத்தில் இழந்த செல்வாக்கை மீட்டெடுக்க முன்னாள் அமைச்சர் செம்மலையைத் தங்கள் பக்கம் இழுக்க அமைச்சர் எ.வ.வேலு பல்வேறு முயற்சிகளை மேற்கொண்டுள்ளார்.
வன்னியர் சமூகத்தில் செல்வாக்கு கொண்ட செம்மலை தி.மு.க-விற்கு வந்தால், மேட்டூர் உள்ளிட்ட சுற்றுவட்டாரத் தொகுதிகளில் வெற்றி வாய்ப்பு பிரகாசமாகும் என்பது அக்கட்சியின் கணக்காக உள்ளது. ஜெயலலிதா மறைவுக்குப் பிறகு எடப்பாடி பழனிசாமிக்கு ஆதரவளிக்க மறுத்த செம்மலைக்கு, கடந்த தேர்தலில் போட்டியிட வாய்ப்பு மறுக்கப்பட்டது குறிப்பிடத்தக்கது.