தமிழகத்தில் படித்து முடித்துவிட்டு நாட்டுக்கு சேவை செய்வதற்கு கோடிக்கணக்கான இளைஞர்கள் தகுதியோடு காத்திருக்கிறார்கள். ஆனால் திமுக ஆட்சியில் தகுதியுள்ள இளைஞர்கள் பின்னுக்கு தள்ளப்பட்டு பணத்தால் மதிப்பீடு செய்கின்ற காலமாக உள்ளதால் இளைஞர்களுடைய எதிர்காலம் கேள்விக்குறியாகி உள்ளதாக ஆர் பி உதயகுமார் குற்றம் சாட்டியுள்ளார்.
இது தொடர்பாக பேசிய அவர், திமுகவை எதிர்ப்பில் அதிமுக ஒரு போதும் பின் வாங்கியதில்லை. திமுகவின் தற்போது அமைச்சராக இருக்கும் பலர் முன்னாள் அதிமுகவினர் என்றும், கே கே எஸ் எஸ் ஆர், எ.வ.வேலு , செந்தில் பாலாஜி என திமுகவுக்கு சென்றவர்களுக்கு அமைச்சர் பதவி கிடைப்பதாகவும் அவர் பேசியுள்ளார். இதனால் ஏற்கனவே திமுகவில் இருப்பவர்கள் தங்களுக்கு பதவி கிடைப்பதில்லை என்று ஒப்பாரி வைப்பதாகவும் குற்றம் சாட்டியுள்ளார். இவருடைய இந்த பேச்சு அரசியல் வட்டாரத்தில் பரபரப்பை கிளப்பியுள்ளது.