மு.க ஸ்டாலின் தோல்வி… அதிர்ச்சியில் உயிரிழந்த திமுக நிர்வாகி… தமிழகத்தை அதிர்ச்சிக்குள்ளாக்கிய மரணம்…!!

தமிழக சட்டமன்றத் தேர்தல் முடிவுகள் வெளியான நிலையில், திமுக ஆட்சியை இழந்ததோடு அக்கட்சியின் தலைவர் மு.க.ஸ்டாலின் தோல்வியடைந்த செய்தி கேட்டு திமுக நிர்வாகி ஒருவர் உயிரிழந்த சம்பவம் பெரும் சோகத்தை ஏற்படுத்தியுள்ளது. கடலூர் மாவட்டம் சேத்தியாத்தோப்பைச் சேர்ந்த பன்னீர்செல்வம் (56), நெய்வேலி என்.எல்.சி நிறுவனத்தில் ஊழியராகப் பணியாற்றி வந்தார். தீவிர திமுக விசுவாசியான இவர், தேர்தல் முடிவுகள் வெளியான கடந்த மே 4-ம் தேதி அன்று தனது கட்சி சந்தித்த எதிர்பாராத தோல்வியைக் கண்டு கடும் மன உளைச்சலுக்கு ஆளாகி திடீரென மயங்கி விழுந்தார்.

அதிர்ச்சியில் மயக்கமடைந்த பன்னீர்செல்வத்தை அவரது குடும்பத்தினர் உடனடியாக மீட்டு சிகிச்சைக்காக மருத்துவமனைக்கு அழைத்துச் சென்றனர். இருப்பினும், அவரைப் பரிசோதித்த மருத்துவர்கள் அவர் ஏற்கனவே மாரடைப்பால் இறந்துவிட்டதாகத் தெரிவித்தனர். திமுக தலைவர் மு.க.ஸ்டாலின் மீதான அளவுக்கடந்த பற்றால் தனது உயிரையே இழந்த நிர்வாகியின் இந்தத் துயரச் சம்பவம், அந்தப் பகுதி மக்களிடையேயும் கட்சித் தொண்டர்களிடையேயும் பெரும் அதிர்வலையையும் சோகத்தையும் ஏற்படுத்தியுள்ளது.