ஆளுநருக்கு விஜய் மீண்டும் கடிதம்… என்ன காரணம் தெரியுமா..? நொடிக்கு நொடி பரபரப்பில் தமிழகம்…!!

தமிழக வெற்றிக் கழகத் (தவெக) தலைவர் விஜய், தமிழக ஆளுநர் ஆர்.என். ரவிக்கு  கடிதம் ஒன்றை எழுதியுள்ளார். தமிழகச் சட்டமன்றத் தேர்தலில் தவெக 108 இடங்களைக் கைப்பற்றி தனிப்பெரும் கட்சியாக உருவெடுத்துள்ள நிலையில், ஆட்சியை அமைக்க உரிமை கோரி இந்தக் கடிதம் அனுப்பப்பட்டுள்ளது. பெரும்பான்மைக்கு இன்னும் 10 இடங்கள் தேவைப்படும் சூழலில், சட்டமன்றத்தில் தனது பலத்தை நிரூபிக்க இரண்டு வார கால அவகாசம் வேண்டும் என்றும் அவர் அந்தக் கடிதத்தில் கோரிக்கை விடுத்துள்ளார்.

ஆளுநர் மாளிகையின் அறிவுறுத்தலின்படி, ஏற்கனவே அனுப்பப்பட்ட புள்ளிவிவரக் கடிதத்தைத் தொடர்ந்து, தற்போது முறையாகத் தேர்ந்தெடுக்கப்பட்ட எம்.எல்.ஏ-க்களின் கையெழுத்துகள் மற்றும் அமைச்சரவை குறித்த விவரங்களுடன் கூடிய இரண்டாவது கடிதத்தையும் தவெக சமர்ப்பித்துள்ளது. மே 7-ம் தேதி பதவியேற்பு விழா நடைபெற வாய்ப்புள்ளதாகத் தகவல் வெளியாகி வரும் நிலையில், இன்று (மே 6) விஜய் நேரில் ஆளுநரைச் சந்தித்து முறைப்படி உரிமை கோருவார் என எதிர்பார்க்கப்படுகிறது. காங்கிரஸ் உள்ளிட்ட மற்ற கட்சிகளுடன் கூட்டணி அமைத்து ஆட்சி அமைப்பதற்கான பேச்சுவார்த்தைகளும் தீவிரமடைந்துள்ளன.