நீட் தேர்வு வினாத்தாள் கசிவு விவகாரத்தில் காக்ரோச் ஜனதா கட்சி முன்னெடுத்த வரலாற்றுச் சிறப்புமிக்க டெல்லி போராட்டமும், அதன் மூலம் மத்திய கல்வி அமைச்சர் பதவியிலிருந்து தர்மேந்திர பிரதான் ராஜினாமா செய்ய வைக்கப்பட்டதும் இந்திய அரசியலில் பெரும் அதிவலைகளை ஏற்படுத்தியுள்ளது. இளைஞர்கள் மற்றும் மாணவர்களிடையே இமாலய வரவேற்பைப் பெற்றுள்ள CJP கட்சியுடன், தமிழகத்தில் ஆளும் திமுக வரவிருக்கும் நாடாளுமன்றத் தேர்தலில் கூட்டணி அமைக்கவுள்ளது கிட்டத்தட்ட உறுதியாகியுள்ளது. இந்த அதிரடி அரசியல் நகர்வு, தேசிய அளவில் பாஜக மற்றும் காங்கிரசுக்கு மாற்றாக உருவாகும் வலிமையான மூன்றாவது அணியின் ஒரு பகுதியாகவும் பார்க்கப்படுகிறது.
தமிழகக் களத்தைப் பொறுத்தவரை, ஏற்கனவே காங்கிரஸ் கட்சியுடன் கைகோர்த்துள்ள தவெக , அதிமுக – பாஜக, நாம் தமிழர் கட்சி என இந்தத் தேர்தல் களம் வரலாறு காணாத நான்கு முனைப் போட்டியாக உருவெடுத்துள்ளது. தவெக குறிவைத்துள்ள இளம் தலைமுறை மற்றும் புதிய வாக்காளர்களின் வாக்குகளை, நீட் போராட்டம் மூலம் ஹீரோவாக உருவெடுத்துள்ள CJP தன் பக்கம் முழுமையாக ஈர்க்கும் என எதிர்பார்க்கப்படுகிறது. இதனால் தவெக மற்றும் காங்கிரஸின் தேர்தல் வியூகங்கள் தட்மாறும் சூழல் உருவாகியுள்ளது.
இந்த மெகா கூட்டணியின் மூலம் திமுக ஒரே கல்லில் இரண்டு மாங்காய்களைத் துல்லியமாக வீழ்த்தியுள்ளது. முதலாவதாக, தவெக ஈர்க்க முயன்ற இளைஞர் மற்றும் மாணவர் வாக்கு வங்கியைத் தன்வசப்படுத்தியுள்ளது; இரண்டாவதாக, தேசிய அளவில் சுமையாகக் கருதப்பட்ட காங்கிரஸைக் கழற்றிவிட்டுப் புதிய உத்வேகத்துடன் களமிறங்கியுள்ளது. மொத்தத்தில், டெல்லி வீதிகளில் வெடித்த மாணவர்களின் அறப்போராட்டம், தமிழக அரசியல் கணக்குகளைத் தலைகீழாகப் புரட்டிப் போட்டு புதிய பரிமாணத்தைத் தந்துள்ளது.