“கட்டிய பணத்தைத் திருப்பித் தாங்க” அறிவாலயத்தில் கிளம்பிய புதிய சர்ச்சை.. திமுக தலைமைக்கு நெருக்கடி கொடுக்கும் உடன்பிறப்புகள்..!!

தேர்தலில் கூட்டணி கட்சிகளுக்கு ஒதுக்கப்பட்ட தொகுதிகளில் போட்டியிட விருப்பம் தெரிவித்து பணம் கட்டிய திமுகவினர், தற்போது தங்களின் விருப்ப மனு கட்டணத்தைத் திரும்பக் கேட்கத் தொடங்கியுள்ளது கட்சி வட்டாரத்தில் பேசுபொருளாகியுள்ளது. தேர்தலில் போட்டியிட விருப்பம் உள்ளவர்களிடம் இருந்து விருப்ப மனு கட்டணமாக ₹15,000 முதல் ₹25,000 வரை திமுக தலைமை நிர்ணயித்திருந்தது. தொகுதிப் பங்கீட்டின் போது குறிப்பிட்ட சில தொகுதிகள் கூட்டணிக் கட்சிகளுக்கு ஒதுக்கப்பட்டதால், அங்கு போட்டியிட வாய்ப்பிழந்த திமுகவினருக்கு அந்தப் பணம் திரும்பத் தரப்படும் என அறிவாலயம் தரப்பில் ஏற்கனவே அறிவிக்கப்பட்டிருந்தது.

இதனைத் தொடர்ந்து, தங்களுக்குரிய விருப்ப மனு பணத்தைத் திரும்பப் பெறுவதற்கான கோரிக்கைகளை திமுகவினர் தற்போது தீவிரமாக எழுப்பத் தொடங்கியுள்ளனர். தொகுதிப் பங்கீடு முடிந்து தேர்தல் களம் நகர்ந்துள்ள நிலையில், தங்களின் பணத்தை விரைவாகத் திரும்பப் பெற வேண்டும் என்பதில் திமுக நிர்வாகிகள் ஆர்வம் காட்டி வருகின்றனர். இந்த விவகாரம் திமுக உட்கட்சி வட்டாரத்திலும், தற்போதைய அரசியல் சூழலிலும் ஒரு புதிய விவாதத்தை ஏற்படுத்தியுள்ளது.