2026 சட்டமன்றத் தேர்தலில் திமுக கூட்டணியில் உள்ள கட்சிகளுக்கு ஒதுக்கப்படவுள்ள உத்தேச தொகுதிப் பங்கீடு குறித்த செய்திகள் ஊடகங்களில் வலம்வருகின்றன. இந்த எண்ணிக்கை திமுகவின் உள்கட்சி வட்டாரங்களில் விவாதிக்கப்படுவதாக சொல்லப்படுகிறது. அதன்படி திமுக 173, காங்கிரஸ் 23, விசிக 8, மார்க்சிஸ்ட் 5, இந்திய கம்யூனிஸ்ட் 5, மதிமுக 4, ஐயூஎம்எல் 3, மநீம 3, கொமதேக 2, மமக 2, தவாக 1, எஸ்டிபிஐ 1, மஜக தமீமுன் அன்சாரி 1, ஆதித் தமிழர் பேரவை 1, கருணாஸ் 1, தனியரசு 1 தொகுதிகளில் போட்டியிட வாய்ப்பு வழங்கப்படவுள்ளதாக தகவல் வெளியாகியுள்ளது.
இந்தத் தகவல்கள் அதிகாரப்பூர்வமாக உறுதிப்படுத்தப்படவில்லை. இவை அரசியல் வட்டாரங்களில் நிலவும் ஆரம்பகட்டத் தகவல்கள் மட்டுமே. திமுக தலைமை இன்னும் தனது கூட்டணிக் கட்சிகளுடன் தொகுதிப் பங்கீடு குறித்த அதிகாரப்பூர்வப் பேச்சுவார்த்தைகளைத் தொடங்கவில்லை என்பது குறிப்பிடத்தக்கது.