தமிழ் சினிமாவில் பல வெற்றிப் படங்களை தந்தவர் இயக்குனர் மணிவண்ணன். அவரிடம் உதவி இயக்குனராக பணிபுரிந்தவர் ஆர்கே செல்வமணி. கடந்த 1990ம் ஆண்டில் நடிகர் விஜயகாந்த் நடித்த புலன்விசாரணை என்ற படத்தின் மூலம் ஆர்கே செல்வமணி இயக்குனரானார். தொடர்ந்து பல வெற்றிப் படங்களை கொடுத்த ஆர் கே செல்வமணி இப்போது பெப்சி அமைப்பின் தலைவராக இருந்து வருகிறார்.
அதேபோல் 1990 காலகட்டத்தில் ஹீரோ வில்லன் என நடித்து பிரபலமானவர் நடிகர் ஆனந்தராஜ். தற்போது அவர் பல படங்களில் குணச்சித்திர வேடங்களில் நடித்து வருகிறார். இந்நிலையில் சமீபத்தில் ஒரு விழாவில் இயக்குனர் ஆர்கே செல்வமணி, நடிகர் ஆனந்தராஜ் பங்கேற்றனர் அப்போது மேடையில் ஆர்கே செல்வமணி பேசியதாவது, நானும் ஆனந்தராஜூம் ஒன்றாக பிலிம் இன்ஸ்டிட்யூட்டில் படித்தோம்.
அப்போதே ஆனந்தராஜ் பெரிய பண்ணையார் போல ஜிப்பா எல்லாம் போட்டுக் கொண்டு மேலே ஒரு துண்டை போட்டுக்கொண்டு ஜமீன்தார் போல தான் வருவார். அப்போது எங்களை யாருமே மதிக்கவில்லை. ஆனந்தராஜை யாரும் அங்கு நடிப்பதற்கு கூப்பிடவில்லை. நானும் இயக்குனராவேன் என்று யாரும் நினைக்கவில்லை. தமிழ் சினிமாவில் நாங்கள் மிகப்பெரிய உயரத்தை அடைந்ததற்கு காரணம் அந்த அவமானங்கள்தான் என்று ஆர்கே செல்வமணி நடிகர் ஆனந்தராஜை அணைத்தபடி இந்த விஷயத்தை மேடையில் பேசினார்.