தமிழ் சினிமாவில் பல வெற்றிப் படங்களை கொடுத்தவர் பி வாசு. அவர் இயக்கிய பல படங்களில் கவுண்டமணி காமெடி கேரக்டரில் நடித்திருக்கிறார். குறிப்பாக மன்னன் சின்னதம்பி ரிக்ஷா மாமா கிழக்கு கரை நடிகன் என பி வாசு இயக்கிய ஏராளமான படங்களில் கவுண்டமணி நடித்திருக்கிறார்.சமீபத்தில் ஒரு நிகழ்ச்சியில் பங்கேற்று பேசிய இயக்குனர் பி வாசு கவுண்டமணி குறித்த பல விஷயங்களை கூறியிருக்கிறார்.
இயக்குனர் பி வாசு கூறியதாவது, கவுண்டமணி சாருக்கு அப்போது முதல் இப்போது வரை தனியாக டிரைவர் கிடையாது. அவருக்கு மேனேஜர் கிடையாது. ஏன் அவர்கிட்ட ஒரு டைரி கூட கிடையாது. கால்ஷீட் தேதியை அவர்கிட்ட சொல்லிட்டால் போதும். மனசுல வச்சுப்பார். அவரே சரியான நேரத்துக்கு வண்டி ஓட்டிட்டு வருவார். இது மாதிரி ஒரு அருமையான எளிமையான ஒருவர் தமிழ் சினிமாவில் இருப்பாரா என்று என்னால் சொல்ல முடியலே என்று இயக்குனர் பி வாசு கூறியிருக்கிறார்.