நடிகர் துருவ் விக்ரம் நடித்துள்ள ‘பைசன்’ திரைப்படமானது நாளை திரையரங்குகளில் வெளியாகிறது. கபடி வீரரான மணத்தி கணேசனின் வாழ்க்கையை அடிப்படையாகக் கொண்டு எடுக்கப்பட்ட இந்த படத்தின் ஆங்கில டைட்டில்(பைசன்) குறித்து இயக்குநர் மாரி செல்வராஜ் செய்தியாளர் சந்திப்பில் மன்னிப்புக் கேட்டார்.
பொதுவான தலைப்பு வைக்க தயாரிப்பு நிறுவனம் சொன்னதால் இந்த பெயர் வைக்கப்பட்டதாக அவர் தெரிவித்தார். மேலும் அவரது திரைக்கதை புத்தகத்தில் இன்னமும் “காளமாடன்” என்றே உள்ளதாகவும் அவர் குறிப்பிட்டார்.