6 படம் எடுத்த என்னையே இளையராஜா ஆபீஸ்குள்ள விடல.. அதுக்கப்புறம்.. மனம் திறந்த இயக்குனர் கஸ்தூரிராஜா..!

பிரபல இயக்குனரும் தயாரிப்பாளருமான கஸ்தூரிராஜா தேனி மாவட்டத்தைச் சேர்ந்தவர். இவர் என் ராசாவின் மனசிலே திரைப்படம் மூலம் இயக்குனராக அறிமுகமானார். அதன் பிறகு ஆத்தா உன் கோயிலிலே, நாட்டுப்புற பாட்டு, வீரத்தாலாட்டு, எட்டுப்பட்டி ராசா உள்ளிட்ட படங்களை இயக்கியுள்ளார். இவரது மகன் செல்வராகவன் காதல் கொண்டேன், 7ஜி ரெயின்போ காலனி, புதுப்பேட்டை, ஆயிரத்தில் ஒருவன் உள்ளிட்ட சூப்பர் ஹிட் படங்களை இயக்கினார்.இன்னொரு மகன் தனுஷ் சினிமாவில் பிரபல நடிகராக வலம் வருகிறார். கடைசியாக தனுஷ் இயக்கி நடித்த ராயன் திரைப்படம் சூப்பர் ஹிட் ஆனது.

முதலில் பிழைப்பு தேடி சென்னைக்கு வந்த கஸ்தூரிராஜா இப்போது சென்னையில் செல்வாக்குடன் வாழ்ந்து வருகிறார்.இந்நிலையில் கஸ்தூரிராஜா சமீபத்தில் பிரபல youtube சேனலுக்கு அளித்த பேட்டியில் பல சுவாரஸ்யமான தகவல்களை பகிர்ந்து கொண்டார். அதில், இளையராஜா சாரை சந்திக்க ஒரு நாள் சென்று இருந்தேன். நீண்ட நாள் ஆகிவிட்டது அவரை சந்தித்து நாமே ஏதாவது ஒரு படம் பண்ணலாம் என்று யோசித்து விட்டு பாடலுக்காகவே அவரிடம் சென்று இருந்தேன். செக்யூரிட்டி உள்ளே விடமாட்டேன் என்கிறார்.

அப்போது, நான் 6 படங்கள் பண்ணியிருந்தேன். ‘நான் இயக்குனர் தான்ப்பா, அவருடனும் படம் பண்ணிருக்கேன்’ என்று அந்த செக்யூரிட்டி இடம் கூறினால், அவர், ‘வரும் எல்லாரும் இதை தான் சொல்றான்’ என்று கடிந்து கொள்கிறார். உள்ளே பார்த்திபன் படத்தின் கம்போசிங் நடந்து கொண்டிருக்கிறது. பார்த்திபன் வந்து அந்த செக்யூரிட்டியை திட்டி என்னை உள்ளே அழைத்துச் சென்றார். பிறகு இளையராஜாவிடம் சென்றதும் எங்க ரொம்ப நாள் காணோம் என்று கேட்டார். சார் அதுக்காக தான் இப்ப திரும்பி வந்து இருக்கேன் அப்படின்னு கூறினேன். அவரை வைத்து தான் நாட்டுப்புற பாடல் என்ற படத்தில் பணியாற்றினேன் என்று கஸ்தூரிராஜா கூறியுள்ளார்.