CINEMA
SK -வுக்கு ஜோடியாக நடிக்கப் போகும் விஜய் பட நடிகை.. வித்யாசமான காம்போவுக்கு வெயிட் பண்ணும் ரசிகர்கள்..!
டான் திரைப்படத்தின் இயக்குனர் சிபி சக்கரவர்த்தி சிவகார்த்திகேயனை வைத்து எடுக்க போகும் புதிய திரைப்படத்தில் நேஷனல் கிரிஷ் ராஷ்மிகா மந்தனா நடிக்க உள்ளதாக தகவல் வெளியாகி உள்ளது. தமிழ் சினிமாவில் தற்போது டாப் ஹீரோக்களில் ஒருவராக வளம் வருகிறார் நடிகர் சிவகார்த்திகேயன்.
விஜய் டிவியில் தொகுப்பாளராக தனது திரைப்பயணத்தை தொடங்கிய இவர் சிறிய சிறிய கதாபாத்திரங்களில் நடித்து பின்னர் ஹீரோவாக ஒரு சில திரைப்படங்களில் நடித்தார். வருத்தப்படாத வாலிபர் சங்கம் என்ற திரைப்படத்தின் மூலமாக மிகவும் பிரபலமாகிவிட்டார். 2k கிட்ஸ் அனைவரும் இவரை கொண்டாடி வருகிறார்கள்.
அது மட்டும் இல்லாமல் டாக்டர். டான் ஆகிய இரண்டு திரைப்படங்களும் 100 கோடி மேல் வசூல் செய்து சாதனை படைத்தது. இவர் கடைசியாக நடித்த பிரண்ட்ஸ் திரைப்படம் அந்த அளவுக்கு வரவேற்பு பெறாத காரணத்தினால் பெரும் சரிவை சந்தித்தார். பின்னர் இவர் நடிப்பில் வெளியான மாவீரன் திரைப்படம் நல்ல வசூல் சாதனை செய்தது.
இதைத்தொடர்ந்து தற்போது இரண்டு மெகா ஹிட் திரைப்படங்களில் நடித்து வருகின்றார். ராஜ்குமார் பெரியசாமி இயக்கத்தில் அமரன் என்ற திரைப்படத்தில் நடித்து வருகின்றார். இந்த திரைப்படத்தில் சிவகார்த்திகேயனுக்கு ஜோடியாக சாய்பல்லவி நடிக்கின்றார். இப்படத்தை கமலஹாசன் அவர்கள் தயாரித்து வருகிறார். இப்படத்தில் நடித்துக் கொண்டிருக்கும் போதே ஏஆர் முருகதாஸ் இயக்கத்தில் ஒரு திரைப்படத்தில் நடிக்கவும் கமிட்டாகி இருக்கின்றார்.
இப்படத்தின் சூட்டிங் நடைபெற்று வருகின்றது. இப்படி இரண்டு படங்களில் மாறி மாறி நடித்து வரும் சிவகார்த்திகேயன் மூன்றாவதாக ஒரு படத்தில் கமிட்டாகி இருக்கின்றார். டான் என்கின்ற மெகா ஹிட் திரைப்படத்தை கொடுத்த சிபி சக்கரவர்த்தி சிவகார்த்திகேயனை வைத்து மீண்டும் ஒரு திரைப்படத்தை இயக்க இருக்கின்றார்.
டான் திரைப்படத்திற்கு பிறகு எந்த படத்தையும் இயக்காமல் இருந்து வரும் இவர் நிறைய ஹீரோக்களுக்கு கதை சொன்னாலும் அவர்கள் நடிக்க தயங்குவதால் சிவகார்த்திகேயனை சந்தித்து கதை சொல்லி இருக்கின்றார். அதற்கு சிவகார்த்திகேயனும் ஓகே கூறிவிட்டார். மேலும் இந்த திரைப்படத்தில் சிவகார்த்திகேயனுக்கு ஜோடியாக ராஷ்மிகா மந்தனா நடிக்கப் போகிறார் என்று தகவல் கிடைத்துள்ளது.
